انا الانكسارات
انا طريق الضلمات
انا ذات الروح المخدشه
بطعنات
الغل ..اترقب الوقت
لعل الموت
يزورني لعلهُ يسحب
روحي وينتشل
ألامي .. قلبي مكهفر
وداخلي مغلف
بالأثال انا الشرف وقت
تم تنفيذ
انعدامه نقطه انتهى .
..
#بــقــلم #ايـــزابـــيــل #مشــــــــهـد 《شـــــرف قـيـد التنفـيذ _أثال》 .. انا الانكسارات انا طريق الضلمات انا ذات الروح المخدشه بطعنات الغل ..اترقب الوقت لعل الموت يزورني لعلهُ يسحب روحي وينتشل ألامي .. قلبي مكهفر وداخلي مغلف بالأثال انا الشرف وقت تم تنفيذ انعدامه نقطه انتهى . .. الطمع صعب وخاصا اذا من اقرب الناس الك بذاك اليوم المشؤم من خوفي طلعت اركض بثوبي المخربط بشعري المهوس بدم وجهي بجروح جسمي ..
دنيا ضهر والشمس تصكع الشارع فارغ ولا طير الطاير وبس اني اركض على الرصيف الحار حرورته حركت رجلي ..
كل شويه التفتت ليوره واشوفه اخاف لحكني بحيث اركض بكل قوه ومن شارع الشارع واردد بداخلي كون بابا مايلحكني يارب مايلحكني ..
مادري وين وصلت بس منطقه شبه مهجوره ماشفت بيهه احد بس طفل وواكف يباوعلي بستغراب ..
وكفت شويه اجر النفس مسحت الدم الي نازل من شفايفي دموعي تاركه أثر بخدي . رجعت شعري ليوره وباوعت يمنى ويسرى شفت شارع عام اروح لو لا زين شلون اعبر وبهذا حالتي حتى مالبسه شيء برجلي ..
رغم كل هذا بس ماهمني شيء غير اخاف يلحكني جازفت وعبرت للشارع العام ماجان اكو احد بس اسواق مفتحى وسياره تمشي ..
بلعت ريكي صدت بعيني مركز شرطه بدون تردد ركضت الهم وجنت متناسيه انو ممكن يرجعوني ل هلي بس جان كل فكري اروح اشتكي علي اكلهم هيج وهيج سوا بيه .. وهمه اكيد ماراح يرجعوني اله ...
بجيت بقهر ليش هيج ياربي معقوله انعدمت الانسانيه لهل درجه حتى يطلبون مني هيج شيء ..
نفتح باب الاستقبال على صوت الصياح .. شفته كبالي بدون تردد توجهت لجهتهه وكفت كباله وكلت :- عندكم الانسان لعبه وتسليه تقضون بي حاجاتكم وتلبون نواقصكم صح خدامه بس مو بايعه الضمير ياااستاذ ..
طلعت من يمهم واني اغليي وعلى طول الطريق دموعي يهلن شلون اكدر اعيش بوسط هيج مجتمع تافهه بحيث يطلب مني انطي طفل .. ومافكر بيه وبمشاعري ليش لان خدامه واخدمه معناها اوفرله كلشي ...
وصلت الفرعنه ودخلت بمنطقتنه التعبانه الي غيري وبنيه متعيش بهيج جحيم ..
وصلت البيتنه بابنه طكه ونص بس دفرته نفتح دخلت للغرفه مال امي شفتهه واكعه من جربايتهه للكاع ومختنكه ومكلوب لونهه ازرك انفجعت شمرت الجنطه ورحت يمهه ..