Her Dauntless Eyes √

Kabanata 3.2

I hate him.

He always acted like everything is okay between the two of us.

"Hey. Hey! Stop it, not here, Kids. Hanggang dito ba naman nag-aaway kayo. Do you have a lovers quarrel or somethin'. You're not a kid anymore," sita ni Cage sa amin. Nagkibit balikat naman ang unggoy!

"Duh."

Humalukipkip ako na parang nagmamaldita. Matanggal na 'yong mga kuko sa paa hinding - hindi ako papatol sa kanya!

Ngumisi lang ang asungot sa naging reaksiyon ko. Ang ngising iyon ay isa sa mga kinaiinisan ko sa kanya. Sa susunod sisiguruhin kong aabot na ang kuko ko sa mukha niya tignan ko lang pagkaguluhan pa siya.

"Where is your friend, Athena? Call her, you have no choice but to join us," ani Cage. Alam ko namang wala na akong magagawa kaya hindi ko na siya kinulit pa. Okay na iyon kaysa pauwiin pa ako.

Pagtitiisan ko na lang ang presensiya ng panget na 'to kaysa umuwi.

Sinabi kong susunod kami. Naka-VIP room pala sila. Hindi ko lang natanong kung sino ang mga kasama nila roon.

Tinignan ko si Alyssa. Nakaupo pa rin siya roon at nakatulala. Malungkot na lumapit ako sa tabi niya at tinapik sa balikat.

Hindi ko mai-enjoy ang gabing 'to lalo na't nakita ko ang lalaking iyon.

Sinabi ko kay Alyssa ang nangyari kasama na ang inis ko sa lalaking iyon. Tahimik lang siyang tumango at sumunod sa akin. Umakyat kami sa second floor kung nasaan ang VIP room na sinabi ni Kuya Cage.

Nang makarating sa pinto ay dahan - dahan kong binuksan iyon. Nagulat ako nang makita kung sino ang mga nasa loob. Ang dalawang pinsan ko at si Kuya Regal ang nasa loob.

Lima lang sila sa loob. Cage, That Asshole, Achylles, Regal and Hades.

Cage and Achylles are my first cousins  sa father side, while on my mom's side is my second cousin, Hades Saavedra, magpinsan ang mom namin ni Kuya Hades. At si Regal Alegre naman ay Family friend ng Demetrius at Saavedra. Panghuli ay si Zachary. Obviously, pagmamay - ari nila ang Zues University kung saan kami pumapasok ni Alyssa.

Napansin agad ako ni Regal dahil nakaharap siya sa may pinto kung saan ako nakasilip.

"Hey. Thena! Balita ko pakalat - kalat ka raw kanina sa baba. Pumasok ka na 'wag kang mahiya kay Zeus," pang - aasar niya. Si Regal na laging nangunguna sa pang - aasar.

Naikwento siguro ni Kuya Cage ang sagutan namin kanina ni Zachary. Napasimangot na lang ako.

Nakaupo silang lima sa U-shape leather sofa nasa gitna naman no'n ang rectangular table. Mukhang nauna pa sila sa amin dito dahil ilang bote na ang walang laman.

Pumasok na ako sa loob at sumunod naman si Alyssa pero parang napansin kong natigilan siya o guni - guni ko lang iyon.

Nag - angat ng ulo ang tatlo para sinuhin ang kasama ko maliban lang kay Hades na nanatiling walang pakialam sa paligid niya.

Napa-ubo si Regal sa iniinom niya.

Napataas kilay naman si Achylles nang makitang nauna pang naupo si Alyssa kaysa sa akin. Palihim akong napangiti sa naging reaksiyon nila.