دردِ دل کا سویرا

سوچ۔۔۔

درد دل کا سویرا
قسط ٣٦

ارشی خاموش خاموش سی رہنے لگی اس کو شہری کا وہ بے اعتباری کا تھپڑ نہیں بھولتا تھا۔۔۔
کیا تھا ایک بار پوچھتے۔۔۔اعتبار کرتے۔۔۔میں نے تو نکاح کے وقت وفا کا وعدہ کیا تھا۔۔۔میں نے پختہ عزم کیا تھا کہ ہر حال میں وفا کروں گی۔۔۔مجھے اپنے وعدے سے زیادہ تم پر یقین تھا۔۔۔اور یہ یقین کیوں تھا مجھے نہیں معلوم۔۔۔تم تھوڑا سا یقین تو کر کے دیکھتے۔۔۔تم نے اچھا نہیں کیا۔۔۔
وہ رونے لگی۔۔رات کے تین بجے کا ٹائم تھا۔۔۔وہ کسی کو پکار نہیں سکتی تھی وہ کسی کو پکارنا ہی نہیں چاہتی تھی۔۔۔زجاجه مشی ارصم اور نجمہ ارشی کے پاس رکے۔۔۔ارصم نے ساری رات باہر بیٹھ کر گزاری۔۔۔نجمہ اور زجاجه ارشی کے ساتھ تھے۔۔۔زجاجه چھوٹے صوفے پر تھی اور نجمہ بڑے صوفے پر۔۔۔جب کہ مشی اپنے کیبن میں تھی۔۔۔اگلے دن صبح مشی کے علاوہ سب گھر چلے گئے۔۔۔اور اس سے غازی  ملنے آیا۔۔۔
غازی بھائی آپ کل کیوں نہیں آے۔۔۔؟اس نے شکوہ کیا
یار۔۔۔تمہیں مشی نے نہیں بتایا۔۔۔؟
کیا۔۔۔؟
اسی اثنا میں مشی دروازہ کھولتی اندر آئ۔۔۔
مشی کیا ہوا ہے کیا نہیں بتایا تم نے۔۔۔؟
ارشی کو ایک دم سے فاطمہ کا خیال آیا
کس بارے میں۔۔۔؟
وہ بھی حیران ہوئی
وہ جنت نے ہلکی سی موومنٹ کی ہے۔۔۔
واقعی۔۔۔ایک خوشگوار حیرت اس کو چھو کر گزری
ہوں۔۔۔مشی اوہ اچھا کرتی مسکرا دی
اچھا۔۔۔پھر چلیں آپ کو معاف کیا۔۔۔
غازی۔۔۔تم ادھر ہی ہو نا۔۔۔؟
ہاں کچھ دیر ادھر ہی ہوں۔۔۔
اچھا پھر میں جا رہی ہوں۔۔۔ابھی امی وغیرہ نے نہیں آنا۔۔۔وہ دوپہر کا کھانا لے کر آئیں گے۔۔۔تم ادھر ہی رہنا۔۔۔
ٹھیک ہے۔۔۔مشی ارشی کو انسٹرکشنز دیتی چلی گئی۔۔۔
تم نے سٹارٹ کیا قرآن۔۔۔؟
نہیں۔۔۔مگر انشااللہ ضرور کروں گی۔۔۔
ہوں۔۔۔
غازی بھائی۔۔۔
ہاں۔۔۔
آپ مجھے تفسیر کروا دیں گے۔۔۔میں بھول چکی ہوں۔۔۔اس نے کچھ شرمندگی سے کہا
پورے قرآن کی تفسیر کی تھی؟
نہیں۔۔۔پہلے سات۔۔۔اور کچھ مخصوص سورتیں۔۔۔
مثلاٙٙ۔۔۔؟
سوره واقعہ۔۔۔سوره رحمان۔۔۔ارشی سوچ سوچ کے بتانے لگی۔۔۔سوره ملک۔۔۔سوره سجدہ۔۔۔سوره طور۔۔۔سوره فتح۔۔۔سوره نبا۔۔۔اور آخری چھوٹی سورتیں۔۔۔
اچھا تو کوئی بھی نہیں یاد۔۔۔
پتہ نہیں۔۔۔مطلب مجھے سوره بقرہ کی تفسیر دوبارہ کرنی ہے۔۔۔وہ تو مجھے کچھ عرصے بعد ہی بھول گئی تھی۔۔۔
ٹھیک ہے۔۔۔تو اس سے پہلے تمہیں قرآن پاک کے بیسکس جاننا چاہیے۔۔۔
کیا۔۔۔؟
قرآن پاک کے بارے میں انفارمیشن۔۔۔دیکھو یہ کتاب آرام دہ ماحول میں سنو گے یا پڑھی گے تو اس کی الگ تاثیر ہو گی۔۔۔تو نیکسٹ ٹائم انشااللہ۔۔۔
ارشی نے حامی بھر لی۔۔۔وہ اچھا محسوس کر رہی تھی
مشی اس کا بھرپور خیال رکھ رہی تھی۔۔۔سب ہی رکھ رہے تھے۔۔۔مگر ارشی عجیب سی بے چینی کا شکار رہتی۔۔۔آج غازی پھر اس سے ملنے آیا
اچھا تو ٹھیک ہے۔۔۔شروع کرتے ہیں۔۔۔غازی ایک عدد رجسٹر کے ساتھ ارشی کے پاس پڑے صوفے پر بیٹھ گیا
اچھا تو قرآن پاک کتنے عرصے میں نازل ہوا۔۔۔؟
23 سال میں۔۔۔
قرآن پاک کی کل سوره کی تعداد۔۔۔؟
ام۔۔۔وہ سوچنے لگی۔۔۔114۔۔۔اس نے اپنا اندازہ بتایا۔۔۔
ہوں۔۔۔مگر وثوق سے بتاتی تو اچھا لگتا۔۔۔قرآن پاک کی سب سے لمبی سوره۔۔۔
سوره بقرہ۔۔۔
اور چھوٹی۔۔۔؟
سوره الکوثر۔۔۔
ہوں تو قرآن میں کل 114 سورتیں ہیں تو کتنی مکی ہیں اور کتنی مدنی۔۔۔؟
ام۔۔۔وہ کافی دیر سوچتی رہی مگر اس کو یاد نہ آیا
86 مکی ہیں اور 28 مدنی۔۔۔ٹھیک ہے۔۔۔غازی سب ساتھ ساتھ رجسٹر پر لکھ رہا تھا۔۔۔
جی۔۔۔
تو قرآن کا مطلب پتہ ہے۔۔۔؟
ہاں۔۔۔ایک منٹ۔۔۔اس نے ذہن پر زور ڈالا۔۔۔بار بار پڑھے جانے والی کتاب۔۔۔
ہوں۔۔۔قرآن کی منزلیں کتنی ہیں۔۔۔؟۔۔۔
7 منزلیں ہیں۔۔۔ارشی کے نہ بتانے پر غازی نے کہا
اچھا سجدے کتنے ہیں۔۔۔؟
ارشی نے نفی میں سر ہلا دیا
14 ہیں۔۔۔پارے کتنے ہیں؟
30۔۔۔وہ بتاتے ہوے کچھ شرمندہ ہوئی
اچھا تو قرآن پاک کس جگہ نازل ہوا۔۔۔؟
مکہ میں۔۔۔
مکہ میں کس جگہ۔۔۔؟
مکہ میں۔۔۔وہ سوچنے لگی۔۔۔غار حرا میں۔۔۔
قرآن پاک کا دل کونسی سورت کو کہتے ہیں۔۔۔؟
سوره یس۔۔۔
اور قرآن پاک کی زینت۔۔۔؟
زینت۔۔۔پتہ نہیں۔۔۔
سوره رحمٰن۔۔۔یاد رکھنا ہے سب۔۔۔ارشی نے سر ہلا دیا۔۔۔اچھا تو بتاؤ قرآن پاک میں سب سے زیادہ کس نبی کا ذکر ہے؟
حضرت محمد صَلَّى اللّٰهُ عَلَيْهِ وَسَلَّم۔۔۔
نہیں۔۔۔۔غازی نے کہا
تو۔۔۔؟
حضرت موسیٰ کا ذکر ہے۔۔۔
اچھا۔۔۔اس کے لئے یہ بات نئی تھی۔۔۔
قرآن کی کون سی سوره بِسْمِ اللّٰهِِ الرَّحْمَنِ الرَّحِيْم سے شروع نہیں ہوتی۔۔۔؟
سوره توبہ۔۔۔
اور کس سوره میں دو مرتبہ بِسْمِ اللّٰهِِ الرَّحْمَنِ الرَّحِيْم ہے۔۔۔؟
پتہ نہیں۔۔۔۔
سوره نمل۔۔۔اچھا میرے خیال سے آج کے لئے اتنا ہی ٹھیک ہے۔۔۔مجھے کہیں جانا بھی ہے۔۔۔یہ سب میں نے رجسٹر میں لکھ دیا ہے یہ اب یاد رکھنا ہے۔۔۔۔غازی ارشی کی سائیڈ پر رجسٹر رکھ کر خدا حافظ کرتا ہوا چلا گیا۔۔۔ارشی پوری رات رجسٹر کھول کر پڑھتی رہی۔۔۔
شہری کا کچھ معلوم نہیں تھا وہ کال کرتا۔۔۔کچھ دیر ہی بات کرتا اور فون رکھ دیتا۔۔۔ارشی نے اب اس کے بارے میں سوچنا چھوڑ دیا۔۔۔وہ سوچتی بھی کیوں؟

غازی روزانہ آتا تھا۔۔۔آج بھی وہ ارشی کے پاس بیٹھا تھا
جی تو سوره فاتحہ۔۔۔سوره فاتحہ ویسے تو پہلی سوره نہیں ہے نزول کے اعتبار سے مگر یہ پہلی پوری نازل ہونے والی سوره ہے۔۔۔۔
مطلب؟
مطلب کہ قرآن پاک کے نزول کا آغاز سوره علق سے ہوا۔۔۔مگر سوره علق مکمل نازل نہیں ہوئی۔۔۔پہلی پانچ آیات اتاری گئی تھی۔۔۔اس کے بعد جتنی کی سوره آئ ان کی کچھ آیات نازل ہوتی مگر سوره فاتحہ وہ پہلی سوره ہے جو پوری نازل ہوئی۔۔۔یہ افتتاحی سوره ہے۔۔۔سوره فاتحہ کی 7 آیات ہیں۔۔۔یہ سوره قرآن کا خلاصہ ہے اور اس سوره کا خلاصہ "ایاک نعبد و ایاک نستعین" ہے۔۔۔ابھی غازی بتا ہی رہا تھا کہ ارسلان نجمہ کے ساتھ اندر آے۔۔۔۔
ارے غازی بیٹا۔۔۔کیسے ہو؟
غازی سلام کرتا ان سے ملا اور چند ایک باتیں کر کے چلا گیا۔۔۔
ارشی کو قرآن سننا اچھا لگ رہا تھا۔۔۔
کیا اتنی خوبصورتی ہے اس کو سننے میں۔۔۔وہ ہر وقت سوچتی رہتی۔۔۔۔کچھ دنوں بعد اس کو ڈسچارج کر دیا گیا۔۔۔
مشی نے اس کو فل بیڈ ریسٹ کی ھدایت دی۔۔۔اب وہ بہتر محسوس کر رہی تھی۔۔۔
ارشی کو ابھی آے دو چار دن ہی ہوے تھے کہ زجاجه بیمار پڑ گئی۔۔۔ٹیسٹ کروانے پر پتہ چلا کہ ایک ننھے سے وجود کو خود میں چھپاے اس کو دو ہفتے گزر گئے۔۔۔ایک خوشی کی لہر سب کے چہروں پر دوڑ گئی۔۔۔ارشی بھی انتہا کی خوش تھی۔۔۔زارا اس خوشی کو دوبالا کرنے اور ارشی کی خیریت معلوم کرنے چلی آئ۔۔۔
دیکھو میری بات مانو تو تم ارشی اور مشی کے کمرے میں شفٹ ہو جاؤ یا عابدہ آنٹی کے ساتھ سو جایا کرو۔۔۔
کیوں۔۔۔؟
زجاجه نے پوچھا
یار اس گندی سی شکل کو دیکھ دیکھ کر کہیں بچہ بھی اس کی طرح کا نہ ہو جائے۔۔۔
لاکھوں میں ایک ہوں میں۔۔۔سبحان نے دانت پیستے ہوے کہا
لو تو ایک اور تمہارے جیسا آ جاتا تو اس دنیا کا کیا بنتا۔۔۔لاکھوں میں ایک ہی ٹھیک ہی تم۔۔۔
تم زیادہ ٹر ٹر نہ کیا کرو۔۔۔
کیوں تمہیں کرنے دیا کروں۔۔۔؟
چڑیل۔۔۔
تمہاری محبوبہ۔۔۔
دیکھو زجاجه تمہیں کہہ رہی ہے۔۔۔سبحان نے جیسے شکایت لگائی
جی نہیں آپ کی پرانی محبوبہ کو۔۔۔اس نے پرانی پر زور ڈالا
کون۔۔۔؟
زجاجه ایک دم بول اٹھی۔۔۔جبکہ سبحان زارا کو گھورنے لگا