ကျွန်တော်ကုတင်ပေါ်မှာ ထိုင်ပြီးအလုပ်လုပ်နေရင်း...ဘေးကအသေးလေးကတော့ အနောက်ကိုမှီပြီး TVကြည့်နေတယ်..။ မနက်စာစားပြီးထဲက ထိုင်ကြည့်နေတာ..အခုချိန်ထိပဲ..။ တော်သေးတာပေါ့..အခုချိန်မလန့်သေးလို့..ကျွန်တော့်ကိုလည်း သူဘာမှမဖြစ်ခဲ့အတိုင်း..အရင်တိုင်းပဲစကားပြန်ပြောတယ်...။
ဟင်း...ညကတော့..တရေးနိုးကြီး ထယောင်ပြီး ငိုလို့ ကျွန်တော့်မှာ ထချော့ရသေးတယ်..။ တရေနိုးကြီးထငိုတော့..ကျွန်တော့်မှာ တခြားအခန်းထဲလူတွေကို အားနာလို့...အငိုတိတ်အောင် ချော့တာချော့လို့ကိုမရဘူး..။ မရတဲ့အဆုံး အသေးလေးခန္ဓာကိုယ်လေးကိုချီလိုက်ကာ..အသေးလေးခြေထောက်၂ဖက်ကိုကျွန်တော့်ခါးတွင် ခွချိတ်ထားစေပြီး...ကလေးချော့သလို့ ကျောလေးကိုပုတ်ပြီး ချော့သိပ်လိုက်မှ...ရှိုက်ရင်းနဲ့ အိပ်ပျော်သွားတယ်..။
မနက်ရောက်လာတော့...ညကငိုခဲ့တာ သူမဟုတ်တဲ့အတိုင်း...ရေထချိုးပြီး ကျွန်တော်နဲ့အတူ မနက်စာစားပြီး...TVကြည့်နေတယ်..။ TVကြည့်နေရင်းနဲ့လည်း..ဇာတ်ကားထဲက မင်းသမီးမင်းသားတွေအကြောင်း..အလုပ်လုပ်နေတဲ့ကျွန်တော့်ကိုပြောပြတတ်သေးတယ်..။
"တင်!..တင်!..." ဆိုပြီး မက်ဆေ့ခ်ျပို့သံကြားရလို့လှည့်ကြည့်လိုက်တော့..အသေးလေးဖုန်းဆီက...
အသေးလေးက..ဖုန်းကိုကြည့်ပြီး လှုပ်လှုပ်ရွရွဖြစ်နေတယ်...။ ကြည့်ရတာစာပြန်ပို့နေတာထင်တယ်..။ ကျွန်တော်လည်း..ဘာမှမပြောဘဲ အလုပ်လုပ်ချင်ယောင်ဆောင်နေလိုက်တယ်..။ ဘေးကအသေးလေးကတော့ လှုပ်စိလှုပ်စိနဲ့ TVမကြည့်ဘဲ ဖုန်းကိုသဲကြီးမဲကြီးကြည့်နေတယ်...။
ခနကြာတော့..အသေးလေးက ဖုန်းကြည့်နေရာမှ..ကျွန်တော့်ဘက်ကိုလှည့်ပြီး ကြည့်လာတယ်..။ ကျွန်တော်လည်း သူကြည့်နေတာကို သိပေမဲ့..မသိချင်ယောင်ဆောင်နေလိုက်တယ်..။
"ကိုဘုန်း..."
"အင်း..."
"ကိုဘုန်း..."
"အင်း..."
"ကိုဘုန်းလို့..."
"ဟင်း...ဘာပြောမလို့လဲ?..အသေးလေး..."
YOU ARE READING
MY ONLY ONE (completed)
Romanceမင္းသာ ကိုယ့္ရဲ႕တစ္ဦးတည္းေသာ အရာရာပါ. married life ေလးပါ💞 အရာအားလံုးက အဖိုးစီစဥ္ေပးထားတာ😌
