Serving The Heir's Father

Chapter Nineteen

Malamig na hangin ang unang naramdaman ko nang makalabas na kami sa hotel.

Napatingin ako sa kamay ko nang hablutin 'yon ni Vince, magaan lamang 'yon. Pinagsiklop niya ang mga kamay namin at ipinasok 'yon sa bulsa ng jacket niya.

Nangingiti naman akong umiwas ng tingin.

Gabi na at balak naming maranasan ang night market dito.

Napagdesisyonan naming 'wag na magdala ng sasakyan dahil nagiging food court sa gabi ang parking lot sa bayan nila.

Magkahawak kamay kami sa bulsa niya, hindi na ganoon kalamig dahil don.

Nang makarating kami doon ay tumambad sa amin ang napakaraming stall, hindi ito makalat dahil puro mga nakahelera. Ang isang kalsada lang ang naokupahan.

Binitawan na ni Vince ang kamay ko kaya nailabas ko na ulit ang kamay, napanguso naman ako dahil gusto kong hawak niya lang 'to.

"Don't pout, babe." Tawa nito at inakbayan ako. "Nakita ko 'yong nagtitinda ng mga libro doon." tumingin naman ako sa tinuro niya, stall 'yon na puro libro ang ibenibenta.

Tumango naman ako at naglakad na kami papunta doon.

"H'wag 'yan, ano ka ba Vince." Suway ko rito nang nakangiting hawakan niya ang Fifty Shades of Gray na libro.

Nanlaki ang mga mata niya sa reaksyon ko, " How do you know its content, hmm? Pauline? I thought you're my innocent baby." Pag aakusa nito sa akin.

Napakagat labi ako dahil maraming naikukwento si Nel na tungkol sa mga ganto.

Namumula ako at nagtingin na lang sa ibang librong pambata. Hindi ko pinansin ang pang aasar niya sa likuran ko. Panay pa ang tawa niya, epal.

"I observed that he likes watching and reading mystery stories. I saw him reading Flynn's book."

"Pero hindi pa naman siya ganoon kagaling magbasa."

"He's a genius, cupcake. Well, maybe because I was his father. " Ngumisi siya at rinig na rinig ang kayabangan sa boses niya, umiwas ako ng tingin.

Nakapag usap kami kahapon dahil sa sinabi niyang anak niya si Xyphere.

"Anong ibig mong sabihin, Vincent?" Naguguluhang tanong ko dito, hindi kasi makita ang pagbibiro sa kaniya, sinsero siyang nakatingin sa mga mata ko.

"I am his father, Pauline." Nanatiling nakakunot ang noo ko, naguguluhan sa sinasabi niya at hindi pumapasok sa utak ko. Siya ang ama ni Xy?

"P-paano mo nasasabi 'yan?" Mahinang tanong ko, huminga siya nang malalim at lumabas muna sa chapel. May bleachers sa labas kaya roon niya ako dinala.

Hawak niya ang dalawang kamay ko bago nagsalita.

"5 years ago, I met a girl in the club, we, uhmm, did a one night stand. She's from La Union also and she looks like you but a little bit younger. That guy from yesterday, he's Exton's friend, ex ni Vienna, the girl you thought my girlfriend. He confirmed that it's really you, Pauline. You're that girl." Malalim ang mga mata niya, para bang inoobserbahan ang magiging reaksyon ko.

" Paano kung mayroon pa akong ibang n-naka-ano." Umiwas ako ng tingin, hindi ko alam, paano kung mayroon naman talagang iba, wala akong naalala kahit na ano, kahit sino.