[Unicode]
ယွီချင့်ဟွမ်မှာအိမ်ပြန်ရောက်တာနှင့်ဝတ်စားဆင်ယင်ပြီး ရီပင်းသို့ထွက်ခွာသွားတော့သည်။
၅ နာရီခွဲတိတိအချိန်လောက်မှာပဲ ရောက်သွား
၏။ဒါရိုက်တာအဖွဲ့ဝင်တွေပဲရောက်နေသေးကာ သရုပ်ဆောင်ပိုင်းကတယောက်မှရောက်မလာကြသေးပေ။
လျိုကျားအန့်မှာ သူ့အားမြင်လိုက်လျှင် ပြုံးပြပြီးထိုင်ဖို့ပြောလေသည်။
ထို့နောက်တွင် သူသည် ထိုနေ့ကအဖြစ်အပျက်အလုံးစုံကို ကျန်းချီအားပြောပြနေပြီး သူ့အတွက်စကားကောင်းလေးတွေပြောပေးနေ၏။
"ဒီကလေးမဆိုးဘူး ...ငါ သူ့ဆီမှာတစုံတရာမြင်နေရတယ်.."
ကျန်းချီကခေါင်းကိုညိတ်ပြ၏။ သူ ယွီချင့်ဟွမ်အပေါ်ထားရှိသည့်အထင်အမြင်သေးမှုမှာများစွာနိမ့်ကျလျော့ပါးသွားခဲ့၏။
"အင်း ဒီလူငယ်လေးက အတော်လေးအလားအလာရှိတယ်.."
ဒီနေ့ခေတ်သရုပ်ဆောင်တွေအများစုက Big star လား C-list Celebrity လား ဘယ်သူမဆို မြောက်ကြွမြောက်ကြွလုပ်ချင်ကြသည်။
Net Play လေး တခါလောက်ရိုက်ဘူးယုံလောက်နှင့် သူတို့ကိုသူတို့ Super Star လိုလိုယူဆလိုက်ကြတော့ကာ သရုပ်ဆောင်စွမ်းရည်ရယ်လို့က မယ်မယ်ရရပြစရာမရှိ အားနည်းချက်ပြစ်ချက်တွေ တပုံတပင်နှင့်ပင်။
နှိုင်းယှဉ်ကြည့်မည်ဆိုလျှင် ယွီချင့်ဟွမ်မှာအံအားသင့်ဖွယ် သရုပ်ဆောင်စွမ်းရည်ရှိသော်လည်း သူ၏လိုအပ်ချက်တွေကိုအမြဲသုံးသပ်နေကာ နှိမ့်နှိမ့်ချချလူမသိသူမသိလေးသာနေလေသည်။
သူ့မှာအလားအလာတွေရှိတယ်...
ဒါကိုတွေးမိလိုက်သောကျန်းချီမှာ မပြောရမနေနိုင်ပြောလိုက်မိသည်။
"ချင့်ဟွမ် မင်းကိုယ်မင်းသိမ်ငယ်မနေနဲ့..မင်းမှာ သရုပ်ဆောင်စွမ်းရည်ကောင်းတွေရှိတယ်.. အခွင့်အလမ်းကောင်းတွေသာရှိလာရင် ဖမ်းဆုပ်ထားတော့..."
သူသိရသလောက်ကတော့ ဒီကလေးမှာ သူ့သရုပ်ဆောင်စွမ်းရည်အပေါ် ယုံကြည်ချက်ပျောက်ဆုံးနေသည့်အတွက် ရဲ့ရှင်းဇာတ်ကောင်နေရာနှင့်တောင် ကပ်သီးလေးလွဲချော်ရတော့မလို့ပင်။
YOU ARE READING
ရည်းစားလေးထားချင်မိတဲ့ကျွန်တော် (ဘာသာပြန်)
RomanceTitle- I Just Want to Be in a Relationship Author- Lian Shou Status in COO- 96 Chapters+6 extras Original Publisher - JJWXC English translator- Flying lines Genre- Comedy,Drama,Romance,Slice of life,Yoai # I do not own this story. All the credits g...