Through The Strait Gates//过门 [Completed]

အခန်း ၅၄ ။ အတိတ်တစ္ဆေ

"Burmese Translation of "GUOMEN" By Priest"

အခန်း ၅၄ ။ အတိတ်တစ္ဆေ

ရွှီရှီးလင်သည် ပထမဆုံး တောင်ဘက်အရပ်ဆီ စုန့်လျန်ယွမ်နောက်လိုက်ခဲ့သည်။ သူတို့ ခရီးဝေးကုန်တင်ပို့သည့် ကုမ္ပဏီနှင့်စတင်ခဲ့သော်ငြား သူတို့၏တောင်ဘက်ရှိ ခရီးလမ်းမှာ မဖြောင့်ဖြူးခဲ့ပေ။

ပြောင်းရွှေ့လာသူများဖြစ်၍ သူတို့၏ အဆက်အသွယ်များက နည်းပါးပြီး တူညီသည့်နယ်ပယ်တွင် များပြားလှသော ရန်သူအုပ်လိုက်ကြီးလည်းရှိသေးသည်။နောက်ပိုင်းတွင် သူတို့၏ဈေးကွက်ဝေစုသည် Taobao၏ ထောက်ပံ့ပို့ဆောင်ရေးဝန်ဆောင်မှုကြောင့် ညှစ်ထုတ်ခံလိုက်ရသည်။ ဘီးများကိုလှည့်ပတ်နေစေရန် ရေကုန်ရေခမ်း အလုပ်ကြိုးစားရကာ တိုးတက်မှုတစ်လက်မချင်းစီတိုင်းမှာ ကြီးမားလှသောတန်ဖိုးများဖြင့် လာခဲ့သည်။ သူတို့ လုပ်ငန်းစပြီးနှစ်ဝက်အချိန်ထိ အမြတ်များမရခဲ့ပေ။ ရွှီရှီးလင်မှာ သေလုနီးပါးအလုပ်လုပ်ရစဉ် အသက်ရှင်သန်ဖို့ရာ သူ့ အိမ်ငှါးခဝင်ငွေအပေါ်မှီခိုနေရသည်။ နေ့ရက်များသည် ညပမာမှောင်မည်းပြီး မျှော်လင့်ချက်တစ်စုံတစ်ရာ မရှိခဲ့ပေ။

နောက်ပိုင်း သူတို့ နယ်ပယ်ပြောင်းဖို့ စဉ်းစားခဲ့သည်။ နှစ်ယောက်သားက အတော်လေးသင့်တော်သည့်ပုံပေါ်သော သစ်သီးဖျော်ရည်စက်ရုံလေးတစ်ခုကို ဝယ်ခဲ့သည်။စက်ကိရိယာများမှာ ဂျပန်မှတင်သွင်းထားတာဖြစ်ပြီး ထုတ်လုပ်သော ထုတ်ကုန်များမှာလည်း ဖြည့်စွက်ပစ္စည်းများမပါဘဲ သဘာဝသီးသန့် သစ်သီးဖျော်ရည်များဖြစ်သည်။

သစ်သီးဖျော်ရည်စက်ရုံမှာ အံ့သြစရာကောင်းသည့်အရာမျိုးဟု လေသံပေါက်သည်။ သူတို့လက်ထဲရောက်တော့မှပဲ ၎င်းက ကြိုလင့်နေသော အန္တရာယ်များနှင့် ပြည့်နေကြောင်း သိသွားခဲ့သည်။ 'ဖြည့်စွက်ပစ္စည်းမပါ'ဆိုသည်က 'လျင်မြန်သော သက်တမ်းကုန်ဆုံးချိန်' ဖြစ်ပြီး 'သိပ်ပြီးအရသာမရှိပေ'။ အရောင်းအဝယ် ဘယ်လောက်ကောင်းသည့်ပုံပေါ်ပေါ် သယ်ယူပို့ဆောင်ရေး၊ သိုလှောင်ရေးနှင့် ဈေးကွက်ရှာဖွေရေးအားလုံးက ပြဿနာများဖြစ်သည်။