Through The Strait Gates//过门 [Completed]

အခန်း ၂ ။ အတိတ်နမိတ်မကောင်းသောစတင်မှု

"Burmese Translation of "GUOMEN" By Priest"

အတွဲ ၁ ။ ကြက်သွန်မြိတ်

အခန်း ၂ ။ အတိတ်နမိတ်မကောင်းသောစတင်မှု

လွန်ခဲ့သည့်၁၃နှစ်တုန်းက ပန်းဆိုင်ဖွင့်မည့်လူငယ်လေးမှာ မုတ်ဆိတ်မွှေး  မထားခဲ့သေး။ သော်ရွှင်းကလည်း တစ်လောကလုံးကို မကျေမနပ်ဖြစ်နေသည့် အထက်တန်းဒုတိယနှစ် ကျောင်းသားသစ်တစ်ယောက်သာဖြစ်သည်။

ရွှီရှှီးလင်ကတော့ ဝန်ခံမခံခံ လူဆိုးလေးဆိုတာ လိမ်မရသည့် အမှန်တရားပင်။

"ရှူး ဘေးဖယ်နေ"
ရွှီရှှီးလင်က ခွေးလေးကို ဘေးဘက်ကို ခြေထောက်ဖြင့် တွန်းလိုက်သည်။ ကျောင်းလွယ်အိတ်ကို ခွေးပါးစပ်ထဲကနေ ဆွဲလုကာ အိတ်ထဲကနေ ထွက်ကျမလိုဖြစ်နေသည့် စီးကရက်များကို ပြန်ထိုးထည့်လိုက်၏။

ခွေးလေးက တစ်ခုခုကိုအနံ့ရသွားဟန် စိတ်လှုပ်ရှားစွာ ဟောင်လေသည် ။ ခွေးလေးက သော်သော်ဟုခေါ်သည့် မျိုးစပ်ခွေးပင်။ တစ်ချက်ကြည့်ရုံနှင့် သူက ဂျပန် Spitz နှင့်သိုးထိန်းခွေး မျိုးစပ်ပင်။ ပြောရမည်ဆိုလျှင်တော့ သူက ရောကျော်ခွေးလေးတစ်ကောင်ဖြစ်၏။

ဆိုရိုးတစ်ခုရှိသည်လေ : လူတွေမှာ အဆင့်အတန်းရှိသည်- ချမ်းသာ ဒါမှမဟုတ် ဆင်းရဲ ၊ မျိုးရိုးမြင့် ဒါမှမဟုတ် မျိုးရိုးနိမ့်။ ခွေးတွေကတော့ အမျိုးအစားရှိသည် - သစ္စာရှိ ဒါမှမဟုတ် သစ္စာဖောက် ၊ ဉာဏ်ပြေး ဒါမှမဟုတ် တုံးတုံးအအ။  သော်သော်ကတော့ ခွေးတွေကြားထဲ ခွေးစုတ်လေးပင်။ ဒီကောင်က အားနည်းတဲ့သူကို အနိုင်ကျင့်ပြီး အားကြီးတဲ့ကောင်ကျ ကြောက်သည်။သူများကို ရန်စသည့်နေရာတွင်လည်း ဆရာကြီးတစ်ဆူပင်။ ရွှီရှှီးလင်မှာ အဲခွေးကို အင်မတန် စိတ်ကုန်နေကာ  ထိုကောင်ကို တိတ်တဆိတ်လည်ပင်းညှစ်ပစ်ဖို့ ဆုမတောင်းဘဲ တစ်နေ့မှ မကုန်ဆုံးဖူးခဲ့ချေ။
"မင်းက မင်းနဲ့မဆိုင်တာဆိုအရမ်းဝင်ပါတာပဲ"

ကံမကောင်းစွာပင် ဒီခွေးက အိမ်မှာ နောက်ခံကောင်းကောင်းရှိနေသည်။

ခွေးဟောင်သံတစ်ချက်အပြီး အိမ်ထဲမှ အဖွားအသံကထွက်လာသည်။
"ရှောင်လင် နင်သော်သော့်ကို ထပ်အနိုင်ကျင့်နေပြန်ပြီလား"