"Burmese Translation of "GUOMEN" By Priest"
အခန်း ၁၀ ။ ရေခဲတုံးကိုချိုးဖျက်ခြင်း
သော်ရွှင်းက များပြားလှသည့် ပြဿနာများနှင့် စာထူးချွန်သော ကျောင်းသားတစ်ဦးပင်။ သူ့မိဘများမှာ ကျောင်းကို တစ်ခါထက်မက ခေါ်ခံရဖူးသည်။
အစကတော့ ဆရာများက သူ့မိသားစုအခြေအနေကို နားမလည်၍ သော်ရွှင်းအပြုအမူနဲ့ ရင်ဆိုင်ရသည့်အခါ တစ်မိသားစုလုံးကို ကျောင်းဆီဆွဲခေါ်လာပြီး ဒီဆယ်ကျော်သက်လေးရဲ့ စိတ်ပိုင်းဆိုင်ရာအတွေးအခေါ်ကြောင်း ဆွေးနွေးခွင့်ရဖို့ အမြဲဆုတောင်းကြသည်။ နောက်ပိုင်းကျ သူ့မိသားစုက ဘယ်လိုမျိုးလဲဆိုတာ တစ်စွန်းတစ်စသိလာပြီးနောက်တော့ သူဘာပဲလုပ်လုပ် မမြင်ချင်ယောင်ဆောင်ထားလိုက်ကြသည်။
အရင်ကျောင်းတုန်းက သော်ရွှင်း အတန်းဖော်များနှင့် ရန်ဖြစ်၍ မိဘများမှာ ကျောင်းဆီ အခေါ်ခံရဖူးသည်။
ထိုကျောင်းတွင် ရွှီရှီးလင်လိုမျိုး အုပ်စုနှင့် အချိန်ဖြုန်းတတ်သည့် သူရှိသည်။ ထိုကျောင်းသားမှာလည်း သော်ရွှင်းကို သဘောမကျ ဒါပေမဲ့ ဒီက ငြိမ်းချမ်းရေးသမားရွှီရှီးလင်နဲ့မတူတာက ထိုနေရာက 'ရွှီရှီးလင်' မှာ နေ့တိုင်း သူ့နောက်လိုက်များကိုခေါ်လာပြီး သော်ရွှင်းကို ကိုယ့်နေရာကိုယ်သိဖို့နှင့် ဘယ်သူက ဘောစ့် ဖြစ်ကြောင်း အမြဲပြလေသည်။
သော်ရွှင်းမှာ သူ့ကိုလာထိလျှင် ငြိမ်ခံနေမည့်သူမဟုတ်ပေ။ သူက သွေးအေးကာ မာနကြီးသည်။ ပြီးတော့ ဒီလို ငတုံး 'ဘောစ့်' ကို အသိအမှတ်မပြုပေ။ နှစ်ယောက်ကြားက စိတ်ဝမ်းကွဲမှုက တဖြည်းဖြည်းမြင့်တက်လာကာ တစ်ညတွင်တော့ နံရံပေါ်ကနေ ကျော်တက်ခွကာ အဆောင်ကနေထွက်ပြီး အပြင်တွင် ချကြလေသည်။
သော်ရွှင်းမှာ နှစ်ရက်ကြာ ပြင်ဆင်ခဲ့သည်။ နည်းလမ်းနဲ့ အခွင့်အရေးမှန်သမျှကို အသုံးချကာ တစ်ယောက်တည်းနဲ့ ငါးယောက်ကို အသာစီးရခဲ့သည်။ ရန်သူရဲ့ စစ်ကူတွေ ရောက်မလာခင် သူက အဆောင်မှူးကို သူတို့နေရာဆီ မျှားခေါ်လိုက်သည်။ သူက ကိုယ့်ကိုယ်ကိုယ်ကာကွယ်ခြင်းဆိုသည့် ဆင်ခြေရှိကာ အနိုင်ရခဲ့သော်ငြား... ကံမကောင်းသည်က ကျောင်းစည်းကမ်းထိန်းသိမ်းရေးများက အသိအမှတ်မပြု၍ အဆုံးတွင်တော့ မိဘများ ခေါ်ခံရလေသည်။
YOU ARE READING
Through The Strait Gates//过门 [Completed]
Romanceလမ်းနှင့် တံခါးက သူတို့အတွက် ကျဉ်းမြောင်းလှသည်။ သူတို့၏ အတိတ်နှင့်အနာဂတ်က ပင့်ကူမျှင်ပမာ ရစ်ပတ်ရှုပ်ထွေးနေလေရဲ့။ ဆယ့်သုံးနှစ်ကြာ ခါးသက်ချိုမြလှသည့် အမှတ်တရတွေ...။ ပြီးတော့ သူတို့ကြားရှိခဲ့သမျှ အရာအားလုံးကို ဆေးကြောသန့်စင်သွားခဲ့သော ခံစားချက်နတ္တိသာ...