Through The Strait Gates//过门 [Completed]

အခန်း ၆၂ ။ ပြန်လည်စတင်ခြင်း

"Burmese Translation of "GUOMEN" By Priest"

T/N - One of my most fav parts

အခန်း ၆၂ ။ ပြန်လည်စတင်ခြင်း

သော်ရွှင်း ဖြည်းဖြည်းချင်း ရွှီရှီးလင်ကို လွှတ်ပေးလိုက်သည်။ သူ လက်တစ်ဖက်ဖြင့်ဆိုဖာကိုထောက်ပြီး အားပြုလိုက်ကာ မျက်ဝန်းများသည် အနည်းငယ် ငြိမ်သက်သွားခဲ့သည်။ ရွှီရှီးလင်၏ မျက်နှာအား လက်ချောင်းများဖြင့် ခပ်ဖွဖွထိကာအလွန်အမင်း တောင်းပန်လိုဟန်နှင့် သွေးထွက်နေသော နှုတ်ခမ်းအား ညင်သာစွာ ပွတ်သပ်လိုက်သည်။
"ငါ မင်းအတွက် တံခါးသွားဖွင့်ပေးလိုက်ဦးမယ်"

အိပ်မက်ထဲ ရောက်နေသည်ဟု ခံစားနေရကာ ရွှီရှီးလင်က  သူ့ဆံပင်ကို ဆွဲဆုပ်ပြီးနောက် ဖုန်းကိုလှမ်းယူလိုက်သည်။ မကိုင်လိုက်ရသော ဖုန်းခေါ်ဆိုသူIDကိုမြင်သည်နှင့် သူ့ခေါင်းကြည်လင်သွားကာ ချက်ချင်းထထိုင်လိုက်သည်။

ထိုအခိုက် သော်ရွှင်းမှာ တံခါးဖွင့်ပြီးနေပြီ။

များပြားလှသောပစ္စည်းတစ်ပုံတစ်ပင်ကို သယ်ထားရင်း စုန့်လျန်ယွမ်က သော်ရွှင်းကိုဇဝေဇဝါကြည့်နေသည်။ ထို့နောက် ခြေတစ်လှမ်းနောက်ပြန်ဆုတ်ကာ တိုက်ခန်းနံပါတ်ကို စစ်ကြည့်လိုက်သည်။

"ငါ လမ်းမှားများသွားမိတာလား"
သူ တစ်ကိုယ်တည်းရေရွတ်နေပြီးနောက် သော်ရွှင်းအားမေးလိုက်သည်။
"ဒါ...လရွှီရှီးလင်အိမ်လားမသိဘူး"

စုန့်လျန်ယွမ် အရင်က သော်ရွှင်းကိုမြင်ဖူးသည်။ သို့သော်ငြား ထိုချိန်က ကလေးပေါင်းထောင်ချီ လခြမ်းအားဝင်လိုက်ထွက်လိုက်နှင့်ဖြစ်သည်။ ဆယ်နှစ်ကြာပြီးနောက်တွင် ဆယ်ကျော်သက်လေးသည် လူငယ်ဖြစ်လာပြီး လူငယ်လေးက သက်လက်ပိုင်းအရွယ်သို့ ရောက်လာခဲ့သည်။ သူတို့ရုပ်ရည်သည် သိပ်ပြီး မပြောင်းလဲသော်ငြား သဘာဝနှင့်စရိုက်ကတော့ အသိအမှတ်ပြုခဲ့သည်ထက် ပြောင်းလဲသွားတာ ကြာလှခဲ့ပြီ။ နှစ်ယောက်စလုံး တစ်ဦးကိုတစ်ဦး မမှတ်မိကြပေ။

ရွှီရှီးလင် အရှေ့တံခါးဆီ ယိုင်နဲ့နဲ့ဖြင့်ရောက်လာသည်။ သော်ရွှင်းနောက်ကနေ သူက လှမ်းခေါ်လိုက်သည်။
"ကော"