Through The Strait Gates//过门 [Completed]

အခန်း ၇ ။ ရန်ပွဲ

"Burmese Translation of "GUOMEN" By Priest"

အခန်း ၇ ။ ရန်ပွဲ

ရွှီရှီးလင်မှာ ဝူထောင် ဘယ်သူနဲ့ ရန်ငြှိုးရှိရှိ ဂရုမစိုက်ပေ။ ဒါပေမဲ့ ဝူထောင်က သူ့နာမည်သုံးနေတာဆိုရင်တော့ သူငယ်ချင်းလိုဆက်ဆံနေတာ မဟုတ်။

ရွှီရှီးလင်က တင်္နလာနေ့မနက်တိုင်း ကျောင်းတာဝန်ရှိသည်။ သူ့ တာဝန်အုပ်စုဆီ သစ်သီးအိတ်ကြီးယူလာကာ 'alarmမမြည်၍ အိပ်ရာထနောက်ကျသွားရသည်' ဟူသော ဆင်ခြေသုံးလေသည်။သူကခပ်နောက်နောက်ပြုံးရင်း တောင်းပန်ကာ သူတို့ကိုပတ်ချွဲလိုက်တော့ အကုန်လုံးက ပျော်သွားပြီး အပြစ်မရှာတော့ပေ။

ဒီနောက်တော့ သူက အင်္ဂလိပ်ဖတ်စာအုပ်ဖွင့်ကာ အတွေးလေလွင့်နေသည်။ သူက စာမျက်နှာတစ်ရွက်ရွက်ကို လှန်ကာ အတန်းစာရွတ်နေတာ လိုက်ရွတ်ရင်း ဝူထောင်အစီအစဉ်က ဘာလဲဆိုတာ ခန့်မှန်းနေသည်။ ဒီသော်ရွှင်းက နောက်ဖက်က ပြတင်းပေါက်တွင် တွဲလောင်းကျနေသော သစ်ခွပင်တစ်ပင်လိုပင်။ သူက သစ်ပင်တစ်ပင်လို အခန်းထဲ စိုက်နေပြီးခြေထောက်များက အမြစ်များပေါက်နေဟန်ပင်။ သူ့ကိုလှုပ်အောင်လုပ်ဖို့က မလွယ်။

ဝူထောင် ဒါမှမဟုတ် လီပေါ်ကျီပဲဖြစ်ဖြစ် ဒီ လူမိုက်လေးတတွက အားနည်းတဲ့သူကို အနိုင်ကျင့်ရာမှာတော်သော်ငြား အင်အားကြီးသူကျကြောက်သည်။ သူတို့တွေ ချီလီရှန်းရဲ့တန်ဖိုးရှိတဲ့ ကျောင်းသားကိုတော့ သူမမျက်စိအောက် အနိုင်ကျင့်ရဲမည်မဟုတ်ပေ။

ရွှီရှီးလင် ဒီကိစ္စကိုအလေးအနက်စဉ်းစားနေတုန်း သော်ရွှမ်းကို လှည့်ကြည့်မိလိုက်သည်။ သော်ရွှင်းက မထင်မှတ်ထားရလောက်အောင် သတိရှိပြီး သူစိုက်ကြည့်နေတာကိုမိသွားသည်။ ရွှီရှီးလင်မှာ နေရထိုင်ရတောင်မခက်နိုင်ခင် သော်ရွှမ်းက  ဓားသွားများသဖွယ် စိုက်ကြည့်နေသည်။

ဖာ့ခ်... ဘလိုင်းကြီးလာစောင်ကြည့်တာဟ။
ရွှီရှီးလင် ဒေါသတကြီး ပြန်လှည့်သွားသည်။ မင်းကိုယ်မင်း အရမ်းအရေးပါတယ်ထင်နေတာလား။ဘယ်သူမှ စောက်ဂရုမစိုက်ဘူး။

ရွှီရှီးလင်မှာ သော်ရွှင်းကို ဂရုမပြုဘဲ ခပ်မြန်မြန်မေ့လိုက်လေသည်။ သူ့စိတ်အစုံကို ဒီနေ့ နေ့လည်ပိုင်း အားကစားလှုပ်ရှားမှုအချိန်ကိုသာ အာရုံထားလိုက်သည်။ တနင်္လာနှင့် သောကြာနေ့ နေ့လည်ပိုင်းတွင်သာ လှုပ်ရှားမှုအတန်းချိန်ရှိသည်။ ဒီတစ်ပတ် သောကြာအချိန်က လစဉ်စာမေးပွဲများဖြင့် ပြည့်နေလောက်၍ ဒီတနင်္လာက ပိုပြီးတန်ဖိုးရှိလေသည်။