Through The Strait Gates//过门 [Completed]

အခန်း ၁၁ ။ ​အခြားကလေး

"Burmese Translation of "GUOMEN" By Priest"

(၁၁) အခြားကလေး

မျက်စိတစ်မှိတ်အတွင်း သူတို့၏ ပထမလပတ်စာမေးပွဲရလဒ်များက ပြင်းထန်လာသည့်လေမုန်တိုင်းပမာ ရောက်လာတော့သည်။ ကျောင်းသားများမှာ  တစ်နေကုန်  မညှာမတာ တိုက်ခတ်ခံရလေ၏။ ဒါပေမဲ့ ငိုယိုညည်းတွားနေသည့်  အဆင့်တော့မဟုတ်ပေ။ ဒီတိုင်း ကလေးတစ်စု သွေးပျက်နေရုံပင်။ ပုံမှန်မြင်နေကျ ကျောင်းသားများ၏ ဟိုဟို ဒီဒီပြေးလွှားကာ ဆူညံနေတာတွေကိုလည်း ခဏတာ မမြင်တွေ့ရတော့ပေ။ စာမေးပွဲဆိုးဆိုးရွားရွားဖြေလာသူများက ရင်ထဲဝမ်းနည်းပူဆွေးနေကြသလို အဆင်ပြေသည်ဆိုရုံ ဖြေလာသူတွေလည်း သတ္တိတော့မရဲနိုင်ကြသေးပေ။

အကျဉ်းချုပ်ကတော့ တစ်ခန်းလုံး တိတ်တဆိတ်ခေါင်းငုံ့နေပုံမှာ အခေါင်းရှင်းလင်းသည့်ပွဲတော် စောစီးစွာကျရောက်လာသလိုပင်။

သူထင်ထားသလိုပင် ရွှီရှီးလင် ရလဒ်များက သိပ်မကောင်းပေ။ သူအကျွမ်းကျင်ဆုံး သင်္ချာဘာသာရပ်မှာတောင် ဆယ်မှတ်လျော့လာသည်။

ဒါပေမဲ့ သူ အရမ်းကြီးတော့ ဖိအားမခံစားရပေ။ ဒါက သူ့ပုံမှန် ပုံစံပင်။ စာသင်နှစ်တိုင်း သူ့ရဲ့ ပထမလပတ်ရလဒ်များမှာ
ဆိုးရွားလှသည်။ သူ့နှလုံးသားလေးက ကျောင်းပိတ်ရက်များ၏ ရွှင်လန်းပီတိဖြစ်ရမှုကနေ အနည်မထိုင်သေးပေ။ စာမေးပွဲတစ်ခုပြီးတစ်ခုပြီးတိုင်း သူ့ရလဒ်များက တိုးတက်လာကာ နောက်ဆုံးစာမေးပွဲတွေတိုင်း ပညာသင်နှစ်တစ်လျှောက်လုံး၏ အကောင်းဆုံးရလဒ်ရနေကျပင်။

ဒီလိုနဲ့ပဲ အားလပ်ရက်တွေဆီကနေပြန်လာတိုင်း သံသရာစက်ကွင်းလည်လေပြန်သည်။

ဒီပုံစံက မှားတာမရှိဟုခံစားရသည်။ ဘယ်လိုပဲဖြစ်ဖြစ် တက္ကသိုလ်ဝင်ခွင့် စာမေးပွဲမတိုင်ခင် နွေရာသီအားလပ်ရက်ဆိုတာ မရှိပေ။ ယွီယိရန်က အရှေ့ကနေ သတ်ဖြတ်ချင်နေသည့် အငွေ့အသက်များနှင့် ချေလုံးထားသည့်စာရွက်တစ်လုံး ပစ်ပေါက်လာသည်။ ရွှီရှီးလင်က နောက်ပြန်မှီကာ ဖမ်းဆုတ်လိုက်သည်။

ယွီယိရန်က ခေါင်းလှည့်လာကာ သူမလည်ပင်းကို ဖြတ်ပြသည့် အမူအရာဖြင့် ခြိမ်းခြောက်လာသည်။ စာရွက်ပေါ်တွင် သူမရေးထားသည်က : သင်္ချာအတွက် ဘာသာရပ်ကိုယ်စားလှယ်က ဒီအခန်းထဲ သင်္ချာအမှတ်ပြည့်ရတဲ့သူရှိတယ်တဲ့ အဲဒါနင်လား ။