Through The Strait Gates//过门 [Completed]

အခန်း ၂၈ ။ ပေါက်ကွဲခြင်း

"Burmese Translation of "GUOMEN" By Priest"

အခန်း ၂၈ ။ ပေါက်ကွဲခြင်း

ရွှီရှီးလင်သည် ကွက်လပ်ဖြည့်လေ့ကျင့်ခန်းတွင် ဆယ့်လေးပုဒ်မှားတတ်သူ ဖြစ်လျှင်တောင် သူ့စူးရှသော အာရုံများမှာ သော်ရွှင်း၏ နှေးတိနှေးတုံ့ တုံ့ပြန်မှုများ နားလည်နိုင်သည့်အရာမဟုတ်ပေ။

သော်ရွှင်းသည် ထောင်ကျနေသော ယောက်ျားပြည့်တန်ဆာတစ်ယောက်နှင့် သူ့လိင်တူချစ်သူများဘဝအကြောင်း ရေးထားသော စာအုပ်ကိုဖတ်ရှုနေခြင်းဖြစ်သည်။ ဒါက ပြဿနာမဟုတ် နေ့အလင်းရောင်အောက် ရေးထားသည့် ခေါင်းစဉ်တိုင်းက စာပေရသဆန်ဆန်ရေးသားထားခြင်းဖြစ်ကာ ဒီစာအုပ်သည်လည်း ပုံမှန်မဟုတ်သည့် ကိစ္စတော့မဟုတ်ပေ။

ပြဿနာက သော်ရွှင်းသည် ထိုစာအုပ်ဖတ်ခြင်းကို  လျှို့ဝှက်နေခြင်းပင်။ ဤစာအုပ်ကို သာမန်ရိုးကျ စာဖတ်ခြင်းဟု သဘောမထားမှန်း ပြသနေ၏။

ရွှီရှီးလင်မှာ အခုနောက်ပိုင်း သော်ရွှင်းတစ်ယောက် အနည်းငယ်ကြောင်တောင်တောင်များ လုပ်နေမှန်း တွေးနေတာကြာပြီ။ ဒီအကြောင်းကို သိရှိပြီးနောက်တွင်တော့ သူအနည်းငယ် စိတ်အိုက်သွားရသည်။ သော်ရွှင်းက အိမ်ပြန်လာတိုင်း 'TOFEL ဝေါဟာရများ' ဒါမှမဟုတ် 'IELTS ဥပမာအက်ဆေးများ' ဆိုသည့် စာအုပ်များကို ယူလာတတ်တာ သတိထားမိသည်။

ရွှီရှီးလင် လှန်လှောဖွင့်ကြည့်တိုင်း ဂေးဇာတ်လမ်း ဟုတ်ရင်ဟုတ် မဟုတ်ရင် လိင်တူချင်းသဘောကျမှုနှင့် ဆက်စပ်သည့် သုတသနများဖြစ်နေသည်။ ခေါင်းစဉ်များ၏ ကျယ်ပြန့်ပုံနှင့် စာကိုစူးစိုက်ဖတ်နေတတ်သည့် သူ့ပုံစံက ရွှီရှီးလင်ကို ကိုယ့်ကိုယ်ကိုယ် လှည့်စားရန် နည်းလမ်းမရှိအောင်လုပ်နေသည်။

အစတွင်တော့ ရွှီရှီးလင်၏ အတွေးများမှာ ရင်းနှီးသည့် သူငယ်ချင်းတစ်ယောက်၏ 'ပြင်းထန်လှသောရောဂါ ဆေးမှတ်တမ်း'ကို မတော်တဆ သိရှိမိသွားသည်နှင့် ဆင်သည်။ သူ့နှလုံးသားသည် ကျော်လွှားသွားရန်ခဲယဉ်းသည့် ကြောင့်ကြမှုနှင့် ပူပန်မှုတို့ကြောင့် အနည်းငယ်ထုံထိုင်းသွားခဲ့သည်။ သို့သော်ငြား ထိတ်လန့်မှုပြီးသွားသည်နှင့် ယခုတလောအဖြစ်အပျက်များကို သူပြန်တွေးတောမိသည် - သော်ရွှင်း၏ ပုံမှန်မဟုတ်သည့် တွယ်ကပ်မှု၊ ရွှီရှီးလင်ကို ကြည့်တတ်သည့် သူ့အမူအရာ၊ ဒေါသကို အတင်းမျိုသိပ်သည့်ပုံ၊ သူတို့ ရန်ဖြစ်တမ်းကစားတုန်းက အလွယ်တကူ 'မတော်တဆ' ဖြစ်ခဲ့သည့် ပုံ...။