Ways To Escape Death

Chapter 41: Shadow Mages

Killian's POV

"..." Tahimik niya akong tinitigan.

"What are you looking at?" tanong ko rito saka siya sinamaan ng tingin.

Madali niyang iniba ang direksyon ng paningin niya. "Pft—" Tinakpan niya ang sariling bibig para hindi ipakita sa akin ang mawalak niyang ngisi.

"Tsk!" Inismiran ko siya bago lingunin si Sophia. Mula kagabi pa ito walang malay.

She cleared her throat. "What happens to your body?"

Mileya asking why I transformed back into my cat form. Nangyari ito matapos kong gumamit ng teleportation magic para malayo ko sila sa palasyo. Wala akong dala na teleportation scroll kaya mismong mana ko ang ginamit ko para sa aming tatlo. Malaki ang nawala sa 'king enerhiya, idagdag pa na kinakailangan kong kontrolin ang pag-berserk ng kapangyarihan ni Sophia.

Luckily, nawalan ng malay si Sophia noong mag-revert back ang katawan ko sa pagiging pusa. Kaya si Mileya lang ang nakakaalam na ako at si Black ay iisa.

"Pinag-aaralan ko pa kung paano kontrolin ang transformation ko. Hindi ko pa magagawang masagot ang katanungan mo," sabi ko.

Wala akong ideya kung paano ako bumalik sa normal noong araw na 'yon. Mabuti na lang ay sumakto ito sa pagkakataon na nasa delikadong sitwasyon si Sophia. Nagawa kong ma-stable ang kalagayan niya, at itinakas ko rin sila bago pa kami maabutan ng mga high-level mage.

"Sa dinami-dami ng pipiliin mo. Bakit matabang pusa pa?" sabi nito sa 'kin. Makikita sa paraan ng tingin niya ang pang-aasar. Lakas-loob din nitong pinakita ang ngisi sa labi.

Pinalabas ko ang aking mga kuko habang nagngingitngit ang aking mga ngipin. "You should be careful with every word you say," banta ko rito.

Bumalik kaagad sa pagiging blangko ang kaniyang ekspresyon. "Sa itsura mong 'yan … hindi ka mukhang nakakatakot sa paningin ko."

Sandali akong natigilan sa sinabi niya. Hindi ako makahagilap ng sasabihin dahil sa pagiging straightforward nito. Binaba ko ang aking kamay saka tumingin sa ibang direksyon. Pinanatili ko ang pananahimik para magtimpi na hindi siya patulan.

Nasa bansa pa rin kami ng Staves, kilala sa dating tawag na Diamante. Namalagi kami sa lugar na hindi masyadong pansinin sa mata ng Asterin Knights. Nandirito kami sa hotel na matatagpuan sa middle-class district.

Nang matapos ang digmaan nagsimula ang mga knight na imbestigahan ang lahat ng noble, sa pangunguna ni Francisco. Noble ranks from Duke, Marquis, Count, Viscount, and Baron. May mga nahuli ring slave traders na under supervision ng dating Hari. Nailigtas din ang mga biktima na hindi pa ipinagbili.

"Ah." Napalingon kami sa gawi ni Sophia. Nakapatong ang braso niya sa kaniyang noo habang madiin na nakapikit. Nagkamalay na ito ngunit hindi pa okay ang pakiramdam niya. Tumalon ako sa higaan niya para tumabi.

"Meow … ah!" Natigilan ako nang mapagtanto na nandito pa pala si Mileya. Dahan-dahan kong nilingon ang direksyon niya, at nang nagtama ang paningin namin, hindi na niya kinaya pa pigilan ang sarili.

"Pft—Hahahahaha!" Hawak-hawak niya ang tiyan habang malakas na tumatawa. Napapahampas pa siya sa lamesa at naluluha sa kakatawa.

Naramdaman ko ang panginginig ng buong katawan ko. Kailangan kong magtimpi dahil may usapan kaming hindi niya ako ibubuking kay Sophia.

"Black..." tawag nito sa 'kin. Hinaplos niya ang aking noo, lumapit agad ako para maupo sa tabi niya.

Mukhang bumabalik na si Mileya sa katinuan. Huminga ito ng malalim para mapakalma ang sarili. Tumikhim muna siya bago inayos ang pagkakaupo.