Ways To Escape Death

Chapter 73: Asterin's Fallen

Third Person's POV

"Aaaaah!" Maririnig ang malakas na sigawan ng mga mamamayan ng Asterin.

"What's happening?" pagtataka ng isang noble na wala pang ideya sa nangyayari sa labas ng palasyo. Hindi lang siya kundi maging ang karamihan ay pare-pareho ng tanong na nasa isipan.

Sa ikalawang palapag, naroon nakapwesto ang mag-asawang namumuno sa bansa. Sina Emperor William at si Empress Ivory.

"Aking mahal na Emperor, kahit ako ay nakararamdam na ng pagkabalisa sa mga tangis na 'yon." Ipinatong ng Empress ang kamay niya sa likod ng palad ng katabing asawa.

"Don't fret, I'll stay by your side," he said.

Mula sa kinauupuan, si Emperor William ay tumayo at saka inangat ang kaliwang palad upang senyasan ang orkestra na ihinto ang pagtugtog ng musika. Madali naman siyang napansin ng Conductor, at sumunod kaagad ang mga musikero sa kaniyang nais.

"Determine what's going on outside," bulong niya sa appointed royal knight.

Ang kabalyero na nasa likuran niya ay yumuko bilang paggalang at senyales ng pagtanggap nito ng utos. "I received your command, Your Majesty," sabi nito saka tumalikod upang lisanin ang lugar.

Ang atensyon ng mga bisita ay nasa isang direksyon lamang. Natigilan ang lahat sa kani-kanilang mga ginagawa upang pakinggan ang iyak at hinaing ng mga taong humihingi ng tulong. Nakakaramdam na ang mga ito ng takot at kaba na baka sila ay madamay rin sa kaguluhang nagaganap sa labas ng palasyo.

"H-hus...band..."

Madaling napalingon si Emperor William sa direksyon nito. Nahagip ng paningin niya ang mga royal guard na wala nang buhay na nakahandusay sa sahig. Bawat isa ay may mga halimaw na kumakain sa katawan at lamang loob ng mga ito.

Tila ba'y nanlamig ang buong katawan ng lalaki nang masaksihan ang karumal-dumal na pangyayari. "My w-wife..." Isang kamay na may matutulis at mahahabang kuko ang nakabaon sa kaliwang dibdib ni Empress Ivory. Dinukot ng hindi mawaring nilalang ang puso nito upang ito ay kainin.

Napaluha na lamang ang babae. Hindi niya maalis ang titig sa asawang naistatwa sa kinatatayuan habang pinapanood ang nangyayari. "Leave!" sigaw niya upang magising sa ulirat ang lalaki.

Marahil siguro sa sobra-sobrang pagkabigla, wala sa sariling sinunod ng Emperor ang narinig. Dali-dali siyang tumakbo palayo, at iniwan ang babaeng naliligo sa sariling dugo.

Mapait na nakangiti si Empress Ivory. Wala na siyang maramdaman, hindi na nito magalaw ang katawan niya kahit ang mga daliri. Unti-unti na ring nagdidilim ang paningin nito. "You must live … and protect our son…"

"The Empress!"
"Oh my God!"

Napasinghap ang iilan nang makita ang walang buhay na katawan ng Empress. Maayos na nakasandal ang likod nito sa sandalan ng upuan. Ang puting gown ay namantsahan ng kulay pula. Kitang-kita ang butas ng kaliwang dibdib niya. Dilat din ang mga mata nito at may bakas pa ng dugo sa labi.

"Nasaan ang Emperor?" pasigaw na tanong ng isa sa mga bisita habang palinga-linga sa paligid. "He abandoned us!" he continued.

Nagsimulang mataranta ang mga noble nang matanaw ang sitwasyon sa ikalawang palapag. Ang dugo na nagmula sa mga biktima ay umaagos na pababa.

"Aaaaah!" Ang ilang kababaihan naman ay nagtilian sa takot.

Dahil sa ingay na kanilang nilikha, naagaw nito ang atensyon ng mga demon beast na nakalusot na sa loob ng palasyo. "Growl!" Nagsipag talunan ang mga ito patungo sa direksyon ng taong unang tumama sa kanilang paningin.