Ways To Escape Death

Chapter 42: Black Market

Sophia's POV

Tinitigan ko ang aking sarili sa harap ng salamin. Bumalik sa dati ang itsura ko dahil nasira ang singsing na nagko-conceal sa katauhan ko. Hindi siguro kinaya ang pressure ng nagwala ang kapangyarihan ko.

Kaya ginamit ko na lang ang isa sa mga shadow mage na nagtataglay ng kapangyarihan ng illusion, para baguhin sa paningin ng iba ang itsura ko. Ang makikita nila ay 'yong gusto nilang makita sa 'kin. Ibabase ito sa kanilang kailaliman ng puso. Kaya maaaring magkaroon ng iba't ibang perception kapag ipadi-describe sa kanila ang mukha ko.

Sinuot ko ang brown cloak, saka isinuksok sa aking tagiliran ang dagger. Kasalukuyan na kaming naghahanda sa aming pag-alis.

Isang linggo na kaming nanatili rito sa aming tinutuluyan, dito sa Staves. Nang matapos ang digmaan, nagkaroon ng malawakang imbestigasyon sa bawat sulok ng bansa. Para makaiwas kami sa kanilang inspeksyon, pinagtrabaho ko ang mga shadow mage sa paggawa ng protection barrier sabay sinamahan ko na rin ng illusion. Ang pinto ay naka-camouflage para pumantay sa kulay ng nakapaligid dito. Kung titingnan mula sa labas, mukhang malawak na pader lang ang silid na kinaroroonan namin. Isang linggo kaming nagkulong dito sa loob, naghintay na matapos ang inspections ng Asterin Knights sa bansa. May mga supply naman ako ng pagkain at inumin na nakaimbak sa spatial ring kaya naka-survive kami kahit papaano.

Nilingon ko ang direksyon ni Mileya. Nilalaro niya si Black, gamit ang chaser feather wand. Natawa ako sa reaksyon ni Black sa tuwing winawagayway sa harap niya ang laruan. Umaabante naman kasi ito pero laging nauudlot ang paghakbang niya. Para bang pinipigilan nito ang sarili na hindi magpadala sa bagay na nasa harap niya.

He is unusual unlike other cats from my previous world. There was some behavior I noticed in him, para siyang utak tao mag-isip. There were times when he sits like humans, he doesn't want to eat food by himself dapat susubuan ko pa siya. He loves to drink coffee, madalas niyang inaagaw ang sa akin tuwing nagtitimpla ako. His actions are elegant parang isang noble, and he doesn't like to play with toys.

Hindi pa naman ako nakapag-alaga ng pusa noon, kaya medyo hindi ako sigurado kung may ganito ba na characteristics ang mga pusa. Baka meron pala, hindi ko lang alam. Matalinong pusa siguro si Black.

"Let's go?" I asked them.

Tumakbo palapit sa 'kin si Black para magpabuhat. Nagkaayos kami matapos pabalikin sa dati ni Mileya 'yong buntot niya. Hinayaan ko lang siya magtampo sa una hanggang sa siya na mismo ang lumapit sa 'kin.

Ang mga elf ay kakaiba ang knowledge pagdating sa panggagamot. Kaya nila gawing posible ang mga imposible para sa iba. Ito ang resulta nang maging pinuno nila si Klein. Hindi nito sinarili ang mga kaalaman niya, ibinahagi niya ito sa buong tribo.

Hindi ko sinasadyang mapilayan si Black, nadala lang ako sa aking emosyon habang iniisip si Killian. Bigla na lang itong umalis, hindi muna hinintay na magkaroon ako ng malay. Gusto ko sana alamin 'yong binabalak niya sa 'kin. Wala akong maisip sa kung ano ang pinaplano niya. Siya? Tutulungan ako? That's impossible. Wala sa character niya ang kumilos ng walang dahilan.

Hindi ko maitatanggi na malaking bagay ang nagawa niya para malayo ako sa kapahamakan. I feel indebted, I owe him twice this time.

Unang lumabas ng silid si Mileya, sumunod kami sa kaniya. Tinungo namin ang tavern bar na malapit lang sa hotel. Bumungad sa 'min ang mga taong nag-iinuman. Karamihan ay mga ordinaryong tao na nagsasaya. May iilan ding Asterin Knights ang nandirito. Puno ng customer ang bar, gabi na rin kasi.

Dumiretso kami sa bar counter. Naglagay ako ng dalawang barya na ginto sa harapan saka nahinto ang bartender sa ginagawa. I tapped the table three times, saglit akong tumigil, at nag-tap ulit ng dalawa pang beses.