ဒါက သွေးဖိအား မြင့်တက်လာတာလား?
သူ အဖက်ခံရတာ မကြိုက်လို့များ သွေးတိုးလာတာလား?
ဟုတ်မယ်။ ယောင်္ကျားတစ်ယောက်စီကနေ အဖက်ခံရတာ ထူးဆန်းတယ်လေ။ ကျွန်တော် လွှတ်ပေးလိုက်ဖို့ ပြင်တုန်းမှာပဲ တစ်စုံတစ်ယောက်က ကျွန်တော့်ခါးကနေ သူ့ဆီ ဆွဲခေါ်လိုက်တယ်။ ကျွန်တော်နောက်ကနေ တောင့်တင်းတဲ့ ခံစားချက်နဲ့အတူ လန်းဆန်းတဲ့ ကိုယ်သင်းရနံ့ကြောင့် တစ်ယောက်ယောက်ရဲ့ ခန္ဓာကိုယ်ဆိုတာ မှန်းဆလိုက်တယ်။
"မင်းတို့ နှစ်ယောက် ဘာလုပ်နေတာလဲ?"
ဂွမ်ဂျယ်ဟော့။ သူက ပြုံးပြလိုက်ရင်း ကျွန်တော့်ခေါင်းပေါ် မေးတင်မှီလိုက်တယ်။ ကျွန်တော် သူ့မျက်နှာ မမြင်ရလို့ မသိပေမဲ့ သူ့စိတ်အခြေအနေ ကောင်းနေတဲ့ပုံပဲ။
ဒီလူက ဘာဖြစ်နေတာလဲဟ?
ဂျောင်ရီဂျွန်းက အခြားအရာတစ်ခုခုကို ဒေါသထွက်သွားတယ် ထင်တယ်။ သူ့အခြေအနေ မကောင်းဘူး။ သူက အမြဲအဲ့လို ဒေါသထွက်နေမှတော့ သွေးတိုးဖြစ်တာ သဘာဝပါပဲလေ။ ငယ်ငယ်လေးနဲ့... စိတ်မကောင်းဘူးကွာ။
ဂျောင်ရီဂျွန်း : "သူက ထွက်ချင်လို့တဲ့လေ"
ဂွမ်ဂျယ်ဟော့ : "ထွက်မယ်? အပြင်ကိုလား?"
ဂျောင်ရီဂျွန်း ဖြေလိုက်တော့ ဂွမ်ဂျယ်ဟော့ အသံက တိုးသွားတယ်။ ကျွန်တော် မကောင်းတဲ့ ခံစားချက်တွေ ရနေတယ်။ ဂွမ်ဂျယ်ဟော့က ကျွန်တော့်ကို အပြင်မထွက်ဖို့ တားနိုင်တာပဲ။
'မဟုတ်သေးဘူး။ တွေးကြည့်မှပဲ။ ငါက ဒီမှာ ရာထူးကြီးတယ် မဟုတ်လား? အဲ့ဒီတော့ သူတို့ငါ့ကို ချုပ်ထားလည်း ဘာအရေးလဲ?'
ကျွန်တော်သာ တစ်နေရာရာ သွားချင်ရင် သူတို့တွေက "လိုက်ပို့ပေးပါ့မယ်!"လို့ ပြောသင့်တာ မဟုတ်လား။ ပြီးရင် ကျွန်တော့် သဘောထားကို သူတို့ ခန့်မှန်းပြီးတာနဲ့ အသင့်ပြင်ထားရမှာ မလား?
ကျွန်တော် ဒေါသထွက်လာရင်း ကျွန်တော့်ရုပ်က စူပုတ်လာတယ်။ ကျွန်တော်နဲ့ အတူတူ မျှဝေခံစားရမဲ့အစား ဂျောင်ရီဂျွန်းက အထင်အမြင် သေးနေတယ်။ ဒါက ပုန်ကန်တာ မဟုတ်လား? ဒီလို ရလို့လား?
YOU ARE READING
လူ့အမှိုက်ရဲ့ ရှင်သန်ရန် ကြိုးစားမှုများ : Myanmar Translation (Unicode)
Action#Author(s) -Bism #English Translator -IceCherry #Language -Korean #Associated Names -망나니는 살고 싶다 #Status In COO -85 Chapters (On going) I got permission from English translator - IceCherry to translate this novel.
