“မင်းရဲ့သခင်က ဘယ်သူလဲ? ဂျန်အွန်ယောလ်လား?”
[မဟုတ်ဘူး!]
သခင်ဆိုတာက ဂျန်အွန်ယောလ်ကို ရည်ညွှန်းတာလားလို့ မေးလိုက်တော့ ကွတ်ကီးက ရိုးသားစွာပဲ မဟုတ်ကြောင်း ငြင်းဆန်တယ်။
[သူက သခင့်ရဲ့ သူငယ်ချင်းလေ!]
“ဟမ်?”
မြင့်မြတ်တဲ့ နဂါးလို အကောင်လေးက သူ့ရဲ့ သခင်ကို ခေါ်တော့မယ် ထင်လိုက်တာ၊ ဒါပေမဲ့ ကွတ်ကီးက ကလေးလိုမျိုး စကားတွေပဲ ဆက်တိုက်ပြောတာ မြင်လိုက်ရတော့ စိတ်အေးသွားတယ်။ သေးသေးလေးနဲ့ နှစ်လိုဖွယ်ကောင်းတယ်၊ သူ့ပုံစံလေးနဲ့ ကွက်တိပဲ။
ကွတ်ကီးရဲ့ ခေါင်းလေးကို ပွတ်ပေးလိုက်ပြီး ထပ်မေးလိုက်တယ်။
“မင်းရဲ့ သခင်က ဘယ်သူလဲဆိုတာ ပြောပြနိုင်မလား?”
[ကျွန်တော့်သခင်က သခင်ပဲလေ!]
ကွတ်ကီးက သူ့သခင်ကို မြင်ယောင်ရင်း သူ့အမြီးတိုလေးက လေယာဥ်ဒလက်လို လည်နေတယ်။ သူ့ရဲ့ စိတ်လှုပ်ရှားမှုကို မထိန်းချုပ်နိုင်ပဲ သူ့ရဲ့ တင်ပါးလေးတွေက လှုပ်ခါနေတယ် (အမြီးယမ်းနေတဲ့အတွက်)။
ဒီမှော်ဝင်သားရဲရဲ့ သခင်က နတ်ဘုရားပဲ မဟုတ်ဘူးလား? ငါတို့တွေက ကွတ်ကီးပြောခဲ့သလိုမျိုး အနံ့တူတူပဲ ရှိနေမှာလေ။
‘သူက ငါ့မှာ စနစ်တစ်ခုရှိတာကို သိနေတာများလား?’
(T/N : ယွန်းဂျယ်တို့က systemဆိုတာကိုလည်း ကိုယ့်မှာ ဒီလိုတွေ တွေ့မှ သတိပြန်ရတာ။ စိတ်ချမ်းသာနေရော။)
ဒီစနစ်ကြောင့်မလို့ ရလာဒ်အနေနဲ့ မှော်စွမ်းအားတွေ အများကြီး တီထွင်လာကြတယ်။ မှော်ဝင်သားရဲက ဒါကို သတိထားလိုက်မိတာမျိုး ဖြစ်နေမှာ စိုးရိမ်မိတာပဲ။
[သခင့်ရဲ့အနံ့…] ကွတ်ကီးက တီးတိုးပြောနေရင်း ကျွန်တော့်ရင်ဘတ်ကို သူ့မျက်နှာနဲ့ ပွတ်သပ်နေတယ်။ ကွတ်ကီးပုံစံက ကြောင်တစ်ကောင်ကို ပွတ်သပ်ပေးလိုက်လို့ သဘောကျနေတဲ့ ပုံစံမျိုးပဲ။ ကွတ်ကီးရဲ့ တအီအီအော်နေတဲ့ ပုံကို စိုက်ကြည့်နေရင်း ကျွန်တော် တစ်ချက် အော်လိုက်တယ်။
YOU ARE READING
လူ့အမှိုက်ရဲ့ ရှင်သန်ရန် ကြိုးစားမှုများ : Myanmar Translation (Unicode)
Action#Author(s) -Bism #English Translator -IceCherry #Language -Korean #Associated Names -망나니는 살고 싶다 #Status In COO -85 Chapters (On going) I got permission from English translator - IceCherry to translate this novel.
