လူကြီးမင်းဝူရဲ့မျက်လုံးတွေက အေးစက်နေပေမယ့် လေသံကိုတော့ အတတ်နိုင်ဆုံးထိန်းကာ ပြောလိုက်တယ် ။
"ဥက္ကဌကုက တကယ်ကို ကြင်နာတတ်တာပဲ..
ဒေါက်တာဖန်းရဲ့ သတင်းကြားကြားချင်း တန်းရောက်လာခဲ့တယ်ဆိုတော့ ..ဒါက အမှန်ကို ရည်ရွယ်ချက်ရှိရှိကြီးပဲနော် ""ရပါတယ် "
ကုဖုန်းက ပထမစကားအတွက် ပြန်တုံ့ပြန်ပြီး နောက်စကားနှစ်ခွန်းကိုတော့ မကြားသယောင်နဲ့ ဝယ်လာတဲ့ သစ်သီးခြင်းကို စားပွဲပေါ်တင်ဖို့ ရှောင်ကျိုးကို ပြောရင်း တဆက်တည်း လူကြီးမင်းဝူကိုပါ ပြောလိုက်တယ် ။"လူကိုမထိခိုက်ရင်ပဲ တော်ပါပြီလေ "
လူကြီးမင်းဝူ ဒေါသတကြီးနဲ့ အံတင်းတင်းကြိတ်ရင်း စွေစောင်းကြည့်လေတယ် ။
လူမထိခိုက်ရင် ဟုတ်လား ?!
အဲ့ကောင်က ကန်းသွားပြီလေ !
သူ့အတွက် ဘာမှအသုံးမဝင်တော့ဘူး !
အဲ့ဒါကို သူက ကံကောင်းတယ်ဆိုပြီး ထ,ကနေရမှာလား ?!လူကြီးမင်းဝူ အေးတိအေးစက် နှာမှုတ်ပြီး
"မင်း နေချင်ရင်လည်း နေခဲ့..ငါတော့ သွားတော့မယ် "ပြောပြီးတာနဲ့ သူ့ပစ္စည်းတွေကောက်ယူပြီး
ကုဖုန်းကို အကြည့်နက်နက်တွေနဲ့ကြည့်ကာ ထော့နင်းထော့နင်းနဲ့ ထ,ထွက်သွားလေတယ် ။သူ့မှာ ခြေတစ်ဖက်အားပြုပြီး ယိုင်တိယိုင်တိုင် လျှောက်ရင်း တံခါးဝလေးတောင်မရောက်သေးဘူး ကုဖုန်းက တံခါးဘက်လှည့်ပြီး နက်ရှိုင်းတဲ့ လေသံနဲ့ ဆိုလိုက်တယ် ။
"အာ ကျွန်တော့်မှာ ပြောစရာလေးရှိသေးလို့..လူကြီးမင်းဝူ နားထောင်ချင်ပါ့မလား မသိဘူး "
ဝူကျန်းမင် လက်သီးဆုပ်ပြီး လှည့်မကြည့်ဘဲ ဆိုတယ် ။
"နားမထောင်ချင်ဘူး "
"ခင်ဗျား အများကြီး ကြားချင်တယ်ဆ်ိုတော့လည်း ကျွန်တော်ပြောပြရမှာပေါ့လေ "
ဟက် !
နားမထောင်ချင်လို့ရမလား !
ဘုန်းကြီးခေါင်းခေါက်ပြီးမှ ကန်တော့လုပ်လို့မရဘူးလေ !ကုဖုန်းက ဝူကျန်းမင် စိတ်တိုနေလား ဒေါသထွက်နေလားဆိုတာကို ဂရုစိုက်ရမှာတောင် ပျင်းလွန်းလို့ ။
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...