ဆေးရုံတစ်ရုံရဲ့ အရေးပေါ်ဌာနတွင်........
ယုပေါ်ယွင်က ဆေးရုံကုတင်ပေါ်မှာ လှဲနေပြီး
လက်၊ ခြေထောက် နဲ့ ခေါင်းမှာ ပတ်တီးအထပ်ထပ်စည်းထားရတယ် ။
"အရမ်းကြီး မထိခိုက်သွားပါဘူး "
ဒေါက်တာက ကျွန်ပျူတာကီးဘုတ်ရိုက်နေရင်း မျက်မှန်ကို ပင့်တင်ကာ ယုပေါ်ယွင်သောက်ရမယ့်ဆေးတွေ ညွှန်ကြားနေတယ် ။
"ဒဏ်ရာက အရိုးထိမသွားဘူး..ကြွက်သားရယ် အရွတ်ရယ်ပဲ ထိသွားတာ..ပိုးသတ်ပြီး ပတ်တီးစည်းလိုက်ရင် ရပါပြီ..ဆေးရုံကို လာစရာမလိုတော့ပါဘူး...မကြာခင် လေ့ကျင့်ခန်းတောင်ဆင်းလို့ရပြီဗျ "
ယုပေါ်ယွင်နှာခေါင်းထဲမှာ ပိုးသတ်ဆေးနံ့တွေသာပြည့်နေတာကြောင့် နှာခေါင်းရှုံ့ကာ
"ကျေးဇူးတင်ပါတယ် ဒေါက်တာ "
"ကောင်းပါပြီ "
ဒေါက်တာက မျက်မှန်ကိုချွတ်ကာ နံဘေးမှာ တင်လိုက်ပြီး
"မမေ့နဲ့နော်..အခု လတ်တလောတော့ မင်းဘာသာ လှုပ်ရှားလို့မရသေးဘူး..မင်းမိသားစုဖြစ်ဖြစ် သူငယ်ချင်းဖြစ်ဖြစ် တစ်ယောက်ယောက်ကို ကူညီခိုင်း...မဟုတ်ရင် မင်းဒဏ်ရာက ပိုဆိုးသွားလိမ့်မယ်..အဲ့ကျရင် ပျောက်ကင်းဖို့က လိုတာထက် ပိုကြာသွားမှာ... "
ယုပေါ်ယွင် ပြန်မဖြေပေမယ့် ကုဖုန်းက လေးလေးနက်နက် ခေါင်းညိတ်ကာ
"ဟုတ်ကဲ့...ကျွန်တော် နားလည်ပါပြီ...မှာချင်တာ ရှိသေးလားခင်ဗျ "
"ကြိုတင်ကာကွယ်ရမှာတွေ ကျွန်တော် ပြောပြီးပြီလေဗျာ..ကျန်တာ လူနာဘက်က လိုက်နာဖို့ပဲ လိုတော့တာ"
ကုဖုန်းက တစ်ကိုယ်လုံးနီးပါး ပတ်တီးအထပ်ထပ်နဲ့ သနားချင့်စဖွယ်လေးဖြစ်နေတဲ့ ယုပေါ်ယွင်ကို ကြည့်ပြီး
"ပြန်ကြရအောင်နော်..ကိုယ် မင်းကို ကုန်းပိုးသွားမယ် "
ယုပေါ်ယွင် လက်မခံချင်ပေမယ့် ဒေါက်တာ့အမှာစကားကို ပြန်ကြားပြီး ငြိမ်နေလိုက်ရတယ် ။
အချိန်ကလည်း အတော်လေးနောက်ကျနေပြီဖြစ်တာကြောင့် လတ်တလောမှာ တာဝန်ကျဆရာဝန်နဲ့ ကုဖုန်းသာ ရှိတယ် ။ ဆရာဝန်ကိုလည်း အကူအညီတောင်းလို့မကောင်းတာကြောင့် ကုဖုန်းကို ကုန်းပိုးခိုင်းရုံကလွဲပြီး .....။
YOU ARE READING
Big Bossရဲ့ ကိုယ်ဝန်လွယ်ထားရပြီ (Book 2)
FantasyAuthor >> Ju Mao Ge Ge Original title >> Da Lao Dai Qiu Pao ကိုယ့်ကိုယ်ကိုယ် အထင်ကြီးလွန်းပြီး သွေးနားထင်ရောက်ကာ အေးစက်စက်နေတတ်ရုံသာမက အချစ်ကို မယုံကြည်တဲ့ ကောင်လေးတစ်ယောက်...။ သွက်သွက်လက်လက် ထက်ထက်မြက်မြက်နဲ့ အချစ်ကြီးချစ်တတ်ပြီး ခံစားချက်မှန်သမျှ...
