نساء من عالمي

الحلقه الثانيه عشرر

                       غريبة أسيرة أنا
                  في مملكتي وليست ب مملكتي
                         أكاد  اختنق
                 أوجعت تلك الروح وأرهقتها
           بالكتمان بالدموع بالاهات والانين
                  تلك هي كل قوتي
                   فكيف بأسمي انا.    لبـــــوه؟ !!

                     بقلمي Raghad Al moualy
------------------
جاوبتها. بعد مايأست من عصام وعرفت متفقين ع كلشي وهي جايه تنطي خبر
- كولي شنو شرط

- اخلاص:  كعدتج بالبيت مقابل ايجار بيت بيبيتج النه وهو بالتالي حنتسوك بي يعني مشترك

- اما اكلج شربج ويانه ف هاي مقابل شغلج بالبيت

- بالنسبه لايجار البيت ف عصام مانطاني منه غير 3 اشهر بس واني ماداعيته كلت خاف محتاجهن
اما للاكل والشرب مقابيل الشغل ليش اني مجاي اشتغل ع شنو تكلين هيج

- علموووووووود تعرفين مكانتج بهل البيت ولاتفكرين مجرد تفكييييييير انو انتي وعصام يجمعكم عقد اصلاااااااا مو عشره

- قصدج خدامه

- والله عاد شلون تفسريها فسريها 

- هزيت براسي بمعنى اي ورحت لغرفتي واني مستهضمه حيل وخاطري مكسور
اختيار الثاني وهو بيت عمي جان صعب اذوني واذو امي وابويه وكل الي اني بي بسببه هو واخوته الي همه عمامي ماطيق الكعده وياهم ولا اباوع بوجههم
بقيت كاعده واشكي لروحي واواسيها
اييي صرت سولف لروحي واواسيها مثل المخبله اي ماعندي احد اسولف ويا

باوعت حيصير وقت العشه رحت للمطبخ حضرت العشه بين ماكمل صحتلهم واجوي واني توجهت للغرفه داروح كال عصام متاكلين
باوعتله بطارف عيني وجه مزوعج
مااشتهي
كملت طريقي ورحت للغرفه كاعده وحدي اباوع ع مقبض الباب نفتح بتثاقل ودخل مصطفى
جان صغيروني وعمره مايقارب سنتين ونص الايام تمشي والسنين تركض حتى مااحس بيها شلون ولاااحسب ولااعد

-مما.   هات (ماما.  هاج)

- باوعت بيده لفه صغيرونه ومقدمها اليه جريته وشميته وبسته
حبيبييييييس فدوه يكلبي هاي الييي يعمري انت
اكلها ياأمي يروحي
كعدته يمي وكعد ياكلها واني امسح ع راسه وأتأمله وهو يباوعلي ويبتسم وكل ماياكل شويه ينطيني يكلي هات واني اكله اكلها حبيبي
عبالك حس بيه جوعانه ومقهوره وعازله نفسي عنهم
فدوه للأطفال شكد گلبهم حنين
رجعتني ذاكرتي لموقف مر بيه واني صغيره بعمر ال 8 سنوات
جان ماعدنه مصرف ومخلصين مسواك من يومين بحيث مرت الليله الثالثه واحنه مسينه بذاك الوقت ولاشي
بيبي سوتلي خبز وجاي سوته مثل الثريد وكعدت اكل
وهي بقت ماتاكل
بوقتها حسيت بيها كتلها

- بيبييي تعالي ناكل

- لا بيبي ماأشتهي

- باوعت عرفت بيبي متقبل لان بيها سكر وهذا الاكل حيأذيها عفته للاكل وكمت كعدت يمها ماقبلت انام شبعانه وهي جوعانه