مهما ضاقت لابد لنا من الفرج نصيب
ــــــــــــــــــــــــــــــــــــــــــــــــــــــــــــــــــــــــــــــــــــــــ
نغم:- بقت عمتي كم يوم يمنه وكلما الزم تليفون اخابر او احجي تحط روحها
ويا من جاي تحجين كل ما اروح لمكان اغسل اسوي شيء تجي وراى شجاي تسوين وين تروحين وي منو تحجين واني ادوس على نفسي واكول مره جبيره ميخالف اتحملها
ميثم يطب ويطلع وفرحان بأمه لان عدنه يبوس بيدها وبراسها
كلما اكعد عشرين مره يكومني
سوي جاي
جيبي مي
حضريلي ملابس
كويلي القميص
سوي هيج جيبي كذا لحد ماصرت قليل اكعد يمهم
اشوفهم يحجون على الكيف بهمس ومن اجي يسكتون
اني اسكت اسوي نفسي مامنتبهه اكول ام وابنها شعليه احشر نفسي
بيوم فتت للحمام اسبح طلعت لكيت عمتي فاتحه باب كنتوري
باوعتلها
- عمه خير محتاجه شي
- ( بأرتباك) هاااا هههه لا بس جاي ادور على مقراضه اكص اضافري طولن
- اي بس اني ماخليها بكنتوري مال الملابس هياته الجرار فتحي موجوده
- ههههه م م مادري عبالي مثلي تخليها بكنتورج
اني اخلي كل غراضي بكنتوري تعرفين البيت مليان الجهال اقفله علمود محد يلعب بالغراض
اجت كعدت على الچربايه (السرير) واخذت نفس خلت ايدها على رجلها وكملت كلام
والله هالجهال هذوله ساطرين راسي ليل نهار لايكعدون لايسكتون
هسه انت يسعد صارو عندك 4جهال اخذهم واطلع
والله مرت سعد صايره صعبه العيشه وياها
- مو متقبلين يطلعون عمه غير علمودج
- اي هاي قبل هسه مداكدر ارتاح من وره هوستهم اني هم مره جبيره كبرت مابيه حيل جهال وهوستهم
- احجي ويا كليله
- حجيييييت وعيونج كتلهم
سعد مو باله يطلع يكول اني الجبير واحق واحد
ومحمد ماريده يطلع هسه مرته زينه شايله البيت
كتله صير مثل اخوك ميثم اخذ مرتك واطلع
اشو مرته كم شهر كلبت الدنيه الا اطلع
- عمه لو مرتاحه ليش اطلع
- يمه منو يمج منو مضايقج هي ع الكنسه والمسحه اشو جنت بعمرج اركض ركض
جنه قبل وين اكو عبالج مثلكم هسه البيت كاشي وسنك تغسلون عليه مواعييين
تزجت بالريف عيله ياكبرها
وحيوانات عدهم بقر والجاموس والخرفان
والنسوان يشتغلن الزلم يرحن يبيعن بالمدينه
نكعد الصبح بالصيف قبل الخمسه الفجر نكعد هاي نصلي ونكوم عاد نطلع الخثره نسوي خاثر (روبه) بالليل ونغطي ننطي للزلمه يروح يبيعه للنايمات للضهر مثلجن
- باوعتلها ووخليت ايدي على خدي بكلبي اكول اللهم طولج ياروح
- قبل لايطلع نسويله الريوك دبس احنه نسوي
الكيمر احنه نسوي كلشي نسوي مانشتري حتى الخضره احنه نزرعها واناكلها
YOU ARE READING
نساء من عالمي
General Fictionثلاث فتيات كل واحده منهن تعيش تجربه قاسيه قساوة الضروف قساوة الحياة قساوة المعيشه قسوة الرجال لكن قساوة الضروف تخلق منهن صلابه بصلابة الحديد وقسوة الأيام ليكونو قوارير من حديد تألم اذا وقعت عكس قوارير الزجاج التي تتحطم!!
