نساء من عالمي

الحلقه الثامنه والثلاثون

واني أعوذ بالله منك ومن قلبي
وأحصن نفسي من عشق قد يصبني بالجنون
ولتكن عيناك في نظري بشريه لا ملائكية ساحره
وليكن صوتك مألوف لا ك نغمٍ عذبٍ يطرب قلبي
وليكن لك أشباهك الاربعون  لا ك قمر يضيء سمائي
ـــــــــــــــــــــــــــــــــــــــــــــــــــــــــــــــ
كتله احبك اعترفتله

-فتحت عيني متعجبه ماصدكت الي سمعته
كتيله انو تحبي
لطمت على وجهي بخوف عليها
ولج ياحب
ياصخام الوجه ياحب شتحبي ولج هذا ابوووج

- نترت بصوت مو ابويييييه
جذبه جذبتوها واقتنعتو بيها لتقنعوني بيها هم
اني كلبي
هذا هذا راحله مو بيديييييي

- لزمتها من زيك ثوبها وسحبتها بقوه
ولج ياحب
تحبين رجل عمتج الي ربااااااج تخبلتييييي

- اي احبه واموت عليه هم

باوعتها وجان ارد عليها وبصقت بوجها
باوعتلي مسحتها ودفعتني

احجي واني ارجف
من اليوم
من اليوم مالج كعده هنا
وسخه وخاينه وتعضين ايدج الي نمدتلج عمتج شنو موقفها
وله هو
هو شكالج

- جذاب هو يحبني بس علمود عمتي سوه العكس

- شون

هو كالي اني احب وحده بي ماتصيرلي

- وقابل يقصدج

- اي  اني

-لو يحبح مايسوي هيج ولج شلون تردي يفكر بيج هيج وهو رباج

- هو خلاني هيج احبه

-شون شسوه

- هو يشتريلي ويدللني ويعطف عليه ويحبني اني ضايعه والدنيا مثكلتني بهمها وهو الوحيد الي يخفف عني كل هالامور

-يحبج مثل بنته مو بغير شي

- ليش
شبيه حتى ميحبني

- لزمتها من اكتافها احاول اصحيها اشوفها هاي صاحيه لو عقلها ضرب
ولج بمقام ابووووووج هذااااا شلووووووووون يفكر بيج هييييييييج

- يعني حرام احب وانحب
حرام اعيش حالي حال البنات اكو رجال يحبني واحد يصرف عليه ويخاف عليه وتالي الليل يفتح ذراعه ويخفف عني كل الحمل والتعب
لبوه اني هم بشر
اني هم احتاج من يحس بيه من يساعدني بتربية  بنتي
ابوها شمرنه ولاسأل واهلي هذول اهلي
شوفة عينج الوحيد الي صارلي اهل واب وام وصديق وحبيب هو
مو بيدي
والله موبيدي
والقران شكد حاولت شكد ردت ابتعد بس لحضة ضعف اروحله اشكيله ويفهمني اني ماشايفه هالشي غير منه
قبل جنت احسه عادي بس بعد ماتزوجت صرت احس غير تكليلي ابوج هو بشكثر يكبرني حتى ابويه

- ( للحضات وهي تحجي نطيتها بعض الحق هدئت وحاجيتها بتفهم هي بعد حبته شراح يغير العياط والحجي)  همست بس ربيتي عدهم بيتهم نغم