نساء من عالمي

الحلقه السادسه والعشرون

تَبكي كُل لَيلَه لِتُفْرِغ صِدرها المَحشي بالندوب،
وفي كُل مرّه تنصُت لها النُجوم قائِله:
لطالما اعتَبرناكِ فَردًا من عائِلتنا اتَنطفين
ـــــــــــــــــــــــــــــــــــــــــــــــــــــــــــــــ
لبوه:- ليله كانت صعبه نوعا ما لكن بلمتنه هوناها علينه
ثاني يوم الصبح كعدنه واشغل وتنضيف وكلما نتصل محد يجاوب لو ينطون رفض مابينه شي كدام نغم الي بيها كافيها
وره الصلاة ماشفنه غير عمه ابتسام اجت وشايله بنت نغم بيدها رحنه نركض نشوفها وفرحانين لان ماشفناها
ودتها يم نغم

- يمه حمد لله على سلامة بنتج هاهيه كال الدكتور زينه ماتحتاج تبقه خدج

- بدموع  يمه شلون حربيها هاي صغيرونه واني ماعرفله للطفل

- لعد اني وين رحت يمه

- عمو قتيبه شلونه ليش محد يكول

- ها
عمج زين زين
اروح ارتاح

- راحت وبقيت يمها اتلمس ملامحها اباوعها طفله صغيره كلش وناعمه ابتسم براءه لبراءتها
اهمس لنغم واكللها
نغم صغيرونه بنتج

(مخنوكه وتحجي)  لبوه شلون حربيها اني ماكدر

- ليش هيج تحجين تكبر قابل حتبقه صغيره

- صفنت عليها
لبوه انطينياها

- سميت بسم الله ونطيتها الها
اخذتها وقربت وجها لوجه بنتها وصارت تهمس بدموع
حبيبي يروحي تلمست ايدها اصابعها رفعت راسها وهي تبجي كالت لبوه شلون هاي بنيه

- اعرف شقصدين واعرف دموعج هاي ليش

- لبوه خايفه عليها خاف تتعذب مثلنه

-اذا وراها ام قويه متتعذب بيدج نغم بيدج

- لبوه ماكدر ماكدر اني نفسي ماحميتها

- تظاهري بالقوه اني هم نفسي ماحميتها بس اشجع غيري جوز اقوى

- لبوه شلون لو تطلكت العيشه صعبه وي اهلي شلون اربيها ابويه حيعقدها مثل ماعقد خواتي

- نتطلك وراها سهله اكو بالي شي بس ماحجي هسه

- مفتهمتج

-نتطلك وبعدين احجيلج مو وكتها بس لتشيلين هم بالمكان الي حتعيشين بي انتي وبنتج سهله يمي

- لبوه احس اكو شي جبير بالج كولي وعد ماكول

- كلشي بوقته حلو خل بس نتطلك ونتحرر ونخلص وراها الله كريم احنه ثنينه تأذينه  تخلين ايدج بيدي؟

- نرتاح لبوه؟ 

- نرتاح

-  خلص اني وياج
عمو قتيبه اريد اطمئن عليه

- هسه اخلي علياء تخابر فراس

- صيحيلها تخابر هنا

صحتلها واجت