نساء من عالمي

الحلقه السسابعه

                طريق الحزن هذا لا ينوي أن يقتصر
والدنيا لاتفكر بشروق شمسها
تطفئ شمعة تنير دربي مجددا
لتقول لي أكملي دربك في العتمة لبوه.
🌹🌹🌹🌹🌹🌹🌹🌹🌹🌹🌹🌹🌹
بقلم رغد الموالي

بيوم جنت طالعه من الحمام واشوف بيبي واكعه ومتخربطه اجيت عليها اركض بفزع
وواحاول اصحيها واصيح بصوتي بيبييييييييييي

بيبيييييييي

ردي عليه بيبيييييي
ركضت بسرعه لبيت ام احمد حتى يساعدوني واودي بيبي للمستشفى
واجوي بسرعه وخلينه بيبي بسيارة احمد وديناها للمستشفى

الدكتور: كليتها تعبانه يرادلها. استأصال كلياتها و زرع كلى جديده وطبعا نسبة نجاح العمليه ضعيف لكونها عدها امراض مزمنه من الضغط والسكر والتهاب الصدر. متتحمل بنج

- والعمل دكتور شسوي بيبي داتموت

- اذا تردين تسويلها العمليه فيكون ع مسؤوليتج المستشفى ماتتحمل اعقاب العمليه

- ماعرف شصار بيه بلحضتها بقيت بحيره من امري خاف اعوفها وتموت وخاف اسويلها العمليه واعجل بموتتها
ربي انت ارحم الراحمين نورلي دربي شنو اسوي

- ام احمد: بنتي اني افضل نوديها ع غير طبيب لتعتمدين ع حجي هذا الدكتور

- (بدموع ) خالتي والله مابقه بيه لاعقل لا وتفكير
اذا كلام الدكتور غلط لعد ليش بيبي داتتمرض وتوكع ليييييششش

- بنتي كولي يالله خلينه نوديها ع غير طبيب ونفتهم منها
( لزمتني  من زندي بعد مجنت كاعده) كومي بنتي كومي غسلي وجهج لتبقين هنا كاعده مو حلو الناس رايحه جايه

كمت واحس جبال وتخله عليه مشيت بخطوات خايبه ودموع مجاي تنشف رحت للحمامات وغسلت وجهي
وكعدت بالممرات المستشفى
هديت شويه وبديت افكر بهدوء شنو اسوي
قررت اوديها لطبيب ثاني مثل ماكالت ام احمد
بتت الليل بيبيتي بالمستشفى واحمد وام احمد ماعافوني ابد بقو وياي
ثاني يوم الصبح قبل لا. نطلع من مستشفى
الدكتور كتبلنه راجيته دوه ومنعنه عن اكلات ننطيها وصفنا اكلات معينه وتحتاج عنايه خاصه

باوعت ع راجيته دوه هواي كلت هسه اكيد غاليه واني ماشايله فلوس
بيني وبين نفسي كلت اتدين من عصام او اجمع فلوس و اجيب ع دوه
لكن بالطريق ام احمد حاجتني

- لبوه جيبي الوصفه مال الطبيب دنجيب دوه الها

- ( باارتباك) هاااا. خاله مو باجر اخذها لغير دكتور

- يعني حتوديها

- اي

-،خوش باجر لعد نوديها خل اسأل ع طبيب زين
بدون جواب هزيت براسي نعم

- وصلنه للبيت. وسندت بيبي عليه ودخلنه جوه خليتها ع سرير
اني عندي شويه فلوس بالبيت جامعتهن طلعتهن ورحت شتريت خضره وفواكه وجبتها كلت انطيها لبيبي لازم تتغذى زين
بعدها خابرت ع عصام كلت اخذ منه فلوس