نساء من عالمي

الحلقه الثامنه والاربعون

وان سألوني يوما عن العشق
فااقول رجل احتواني يوما واحتوى وطنه

ـــــــــــــــــــــــــــــــــــــــــــــــــــــــــــــــ
مساؤؤ مسك
حبيباتي قربنه على نهاية قصة نساء من عالمي واحداث الحلقات الاخيره مشوقه جداا جدااا فمن هسه اكلكم 
الي متصبر لتقره هذا البارت يومين يله انزل وتعرفون امتحانات ان شاء الله اكدر اكتبلكم بهل اليومين وانزل
وشكرا لدعمكم وكلماتكم الحلوه والي تشجعني اكتب وانزل
تحياتي الكم وياكم رغد ( نورهان) 
طابت ليلتكم
ـــــــــــــــــــــــــــــــــــــــــــــــــــــــــــــــ

لبوه:- كعدت اضرب على رجليه وابجي
ياربي دخيلك ترده سالم الي يربي مالي غيره دخيلك
زين ولجين على بجي نقهرو عليه واحتضنوني واحتظنتهم

- ماما بابا شنو ميجي بعد

- لا حبيبي لتكول هيج بابا راح يرجع

- لعد ليش تبجين

- خايفه عليه

- هسه ادعيله بالليل قبل ماانام
بابا كال اذا تردون الله يستجاب دعائكم اندعو بالليل قبل متنامون

- اي حبيبي زين فدوه حبيبي اندعيله

- وانه هم اندعيله بابا كالي هيج زين مو بس الك كلك الي هم

- اي حبيبتي اندعيله

- بابا مره تمرضت وكعد يقىالي قران على راسي ملي حتى تطيب هسه من ينضرب براسه هم اقراله ويطيب

- ليش تفاول على بابا هيج زين مو خطيه

- مو هو هيج يسوي من نتمرض يودينه على الطبيب ومن نرجع يقرالنه

- اي بس انت اندعي كول ياربي ترجعلنه بابا ياربي احنه نحبه

- ماما اندعيله اتدعيله ماعليج من زين اصلا كل مره يجذب وميصلي  بنص الصلاه. ويكله بابا عطشان ويروح يشرب مي ويجذب على بابا

- وبابا يعيدها للصلاة

- لا يكملها بس يحجي على زين والله اصلا كال ميصير تحجون غير حجي بالصلاة وهو يحجييييي

- اسكتي لجين ياكذابه اصلا تتذكرين هذاك اليوم من حجيتي وكتيله بابا. شنو يعني الضالين مو كال لتحجون

- اانه دااحجي علمود الصلاة مو اكله عطشان

- لا يعينيييييييي اصلا انتي الله هسه يذبج بالنار

- لا انت

- لا انتي

- انت
انتي

اشششششش سكتوووو كافي يله
افكر بعبود شلون اخابره
لا لا  توه طلع راح يضوج زين شسوي
شسوي يربي
باوعت للجهال وعركاتهم كلت اكعد اقره قران بنية الفرج واخليهم يمي يكعدون يتبعون وياي
فرشت سجاده وكعدت اقره وهم راحو جابو كتبهم الصغار ورحلتهم الصغيره وفتحو نفس السوره الي فاتحتها وبدو يتبعون ررغم ميعرفون يقرون بس حتى ابوهم محفظهم كم سوره صغيره من القران
وحتى معلومات  بالقران يمكن الكبير مايعرفها هم يعرفوها
وهالشي زاد حبي واحترامي لعبود
مر اليوم بصعوبه متعب
وخابرته