نساء من عالمي

الحلقه الاربعووون

وكأنك بدرا منيرا في المضايف
شيخا بارزا متكلما مترنما
لبق الكلام حكيم المعاني
ف اواه على قلبٍ مازال يعاني
واواه على روح تعلقت بك

ـــــــــــــــــــــــــــــــــــــــــــــــــــــــ
مروه:- ايام صعبه عشتها شكد حبيته وتعلقت بي وردته
لكن بلحضه نسى كلشي وعافني
والي يقهرني اكثر انو اتصل عليه مغلق
غير رقمه وبيوم وليله اختفى
صرت اكضي الليل بالبجي واتمناه يجي وكل شويه اكول هسه يتصل هسه ياخذه الشوك ويجي
هو يحبني مثل مااني احبه
من قهري صرت مااكل زين
اتعب هوايه وتعبي اعالجه بالنوم ولو كل هالفتره هذه لبوه وياي جان االله اعلم شصار بيه
مرات تجي بالي اسئله ليش خلاني احبه اذا هو بالتالي يريد يعوفني؟
ليش دور غلب باسم الحب؟
زين ماكال هذه مشاعر بشر مايصير اتلاعب بيها
طرحت هالاسىله على لبوه

- تعرفين ليش

- ليش

- الشباب اقسام قسم يحب من كل كلبه بس حظه عاثر يحب وحده ماتستاهل هذا الحب بالتالي تعوفه وتزوج غيره وهذا ينوجع لما ينوجع يكوم يطلعها بغيره ويألم غيره نفس ماهو تألم باختصار يفقد الثقه بنفسه فيسوي هيج امور حتى اختياره بالزواج يكون على ذوق اهله لان هو ماعنده الثقه الكافيه بنفسه وباختياراته

- القسم الثاني هذا يكون زير نساء هو مريض طبعه يحب التعدد يعني ميحب يكون على وحده العمر كله باختصار هذا لاحب ولا يم الحب بس تلكي يملك لسان معسول لكن هو بداخله عكس لسانه

-القسم الثالث هذا يحب وحده ومقدسها وبس يدور رضاتها لكن خوان يعني يلعب على هواي بنات بس تبقه وحده لا هاي خط احمر لهسبب تلكي يوميه مأمل وحده بي وهذه هيج وهذه كذا وخطيه بيهن يحبنه ويتعلقن بي بالتالي يصدمهن ويتزوج ويعوفهن او يبقه وياهن عادي جدا

- وقسم هذا اصلا متزوج وتلكي هم خوان تقريبا نفس النوع الثالث بس الفرق انو يشوف كل البنات حلوات ومرتبات الا مرته وبنفس الوقت مايتزوجهن غاوي لعب
فتلكين خطيه البنيه هم تحبه ويصدمها انو هو متزوج

- واكو لا هو حباب وعنده مخافة الله ويكتل نفسه على البنيه الي يحبها اذا الله كتبها اله خلص بعد صارت اله واذا لا مامقسومه عنده استعداد يبقه مامتزوج طول عمره وينتظر تتطلك يموت رجلها ولو عشر جهال هم يريدها

- ومسلم من يانوع

- مسلم من النوع الثالث

- ياهو بالظبط تيهت

- اتذكري

- لبوه احجي عاد

- من النوع الي يحب وحده ومقدسها..... الخ

- يعني هو هسه ممكن يطلع تزوج

- كلشي وارد

- لبوه. انتي شتحجين