ليلة ماأقساها من ليله
بارده موحشه وانا أركض فيها خائفه
بثوبي المخضل وشعري الي التي لامسته الرياح
وقدمي التي لبست حذاء الطين
ماأوحشها من عتمه من وحدانيه
وحشة گ وحشة القبر في أول يوم ــــــــــــــــــــــــــــــــــــــــــــــــــــــــــــــ
نغم: انتقلنه ثاني يوم لبيتنه طلعت اخير بس على مشاكل عمتي واحنه جاي نزل بالغراض ماسكتت ابدد بس ميثم يباوعلي بمعنى لاتردين
بيت كان صغير مرتب وحلو بي غرفه ومطبخ وصاله صغيره صحيات وكراج هم صغير شي ململم وحلو
كلش حبيته كلت اييييي اخيرا خلصت وراح ارتاح
فرحتي متنوصف بوقتها
اجه النجار وشد الغرفه وبديت ارتب الغراض والملابس كلشي بمكانه
بس اخشاب وملابسي ماعندي اي شي ثاني
ميثم جان طالع ماعرف وين بعد مارتبت كلشي تقريبا ساعتين بين ماغسلت البيت ورتبت الغرفه هو اجه همس فوتي جوه سوي طريق
استغربت شكو
فتت وسديت الباب بعد شويه اجه فتحها
تعالي نغم شوفي شنو جبت
باوعت
نوب الفرحه فرحتين جايب
ثلاجه وطباخ وكاونتر صغير ومواعين وسيت كدوره
وخواشيك ع سجاجين يعني من كلشي جايب ماكو نقص
حضنته حبيبي عاشت ايدك حياتي شكرا ربي يخليك ويحفظك الي
بدينه نرتب بالمطبخ سويه واني فرحانه فرحانه
راح جاب المسواك غسلته ورتبته بالثلاجه
وسويت غده ناكل وهيج بديت اول مشواري بالحياة الجديده بعد عزلتي
ـــــــــــــــــــــــــــــــــــــــــــــــــــــــــــــــ
لبوه: باوعت هذي شنوووو
شي مقرف ريحته تكتلللل الا شويه واتقيأ
بقچه صغيره فتحتها بيها شعر ملفوف بخيط وعظمه صغيره بيها بسامير وعلبه بلاستك فتحتها والريحه نوبه صارت لاتطاق سديتها بسرعه
جانت بيها فاره مربوطه بخيوط ايديها الاثنين وحده مشدوده بالثانيه ورجليها هم وحلكها مربوط بخيوط
بس جانت مزروفه واعتقد من هذا الزرف تطلع الريحه يمكن الي خلاها مانتبه
لطف الله بيه لو اني صرت محظوظه لاول مره
شسوي وين اوديها لمنو أنطيها
هذي اخلاص ماكو غيرها الله لايوفقها واني اشتم كل بين فتره والثانيه ريحة بخور تسطر ثاري لتجأت لدروب الشيطان اعوذ بالله منج ومن أعمالج الحرام
بقيت افكر هذا شلون اتخلص منه شلون ابطل السحر هذا لازم اودي على مله يفسده اي هذي ناويه تطيح حظي بهذا سحرها عزه حتى على شعري
رحت بالختله وعلى كيف صعدت فوك السطح اضمه بين مااسوي جاره لروحي اشوف شلون اروح
ضميته فوك ونزلت بسرعه فتحت باب الغرفه تتهوى والشبابيك صارت بوجهي اخلاص باوعتلها باحتقار لكش احتقرتها شيطان مو مره
رحت سويت گهوه وكعدت اشرب ويا بسكويت
- اخلاص: اي مرتاحه كهوه وبسكويت
- الحمد لله
- على كيفج يمه الاكل بلاش صحتج هم بلاش تره باقيلج شويه وتطكين
- من اكل من تعبج تعالي احجي
-تعب زوجي كد ذراعه
- باوعتلها وكعدت بأريحيه وثنيت ايدي احاجيها برود اولا زوجي هم ثانيا اني مصاريفي من الايجار الي ياخذه زوجي كل شهر ف اذا تشوفين روحج احق مني بعصام وانه مو لازم يصرف عليه فأاعرفي منين مصروفي مو بحال أحد اني
YOU ARE READING
نساء من عالمي
General Fictionثلاث فتيات كل واحده منهن تعيش تجربه قاسيه قساوة الضروف قساوة الحياة قساوة المعيشه قسوة الرجال لكن قساوة الضروف تخلق منهن صلابه بصلابة الحديد وقسوة الأيام ليكونو قوارير من حديد تألم اذا وقعت عكس قوارير الزجاج التي تتحطم!!
