نساء من عالمي

الحلقه التاسعه والاربعون

مساؤؤ مسك
الحلقه ماقبل الاخيره قراءه ممتعه
ـــــــــــــــــــــــــــــــــــــــــــــــــــــــــــــــ
لبوه:- ذبيت الموبايل بقوه
وبجيت بحركه
مغلق مغلققققق

- على كيفج لبوه كولي يالله

- نغم شون شسوي

- اصبري الله كريم
اجه عمو قتيبه

- الدكتور سجل خروج يلا نطلع

- جهال زين لجين وين

- لتخافين يم بيبيتهم اجت

- عرفت؟

- لا ماتدري

- لتكلون كدامها سكر وضغط يصير بيها شي

- حسبنه حساب هالشي

-سندتني بالبدايه تمشيت وصعدنه بسياره وصلوني لبيتي

- اتفضلو يمي

- ممنونين نروح احنه وشتحتاجين بس اتصلي

- مشكور عمو ماتقصر
حركت السياره وراحت واني استداريت للبيت حتى ادك الباب بس بتثاقل بصعوبه ماعرف شسوي
وين اروح شون اريد احد يطمني عنه ماكو
يكلي هو وين؟
دكيت الجرس
شويه وفتحتها عمتي

- هلا بنتي حمد لله على سلامتج

- الله يسلمج عمه
تلكوني زين ولجين فرحانين بجيتي ويحضنون بيه
شبكتهم ونزلت دموعي من وحدها
ياربي يعني حيصيرون لا ام ولا اب
مثلي نفسي نفس الالم
شذبيتلي ياعبدو حمل ورحت هم اذا اريد اموت افكر بيهم اني ماريد اعيش بعد شلي بهذه الدنيا

- ماما ليش البارحه رحتي من البيت زين سوه وكاحه

- لا حبيبتي اني تمرضت مو شفتيني

-بس نمتي مو بالبيت بقينه ننتظرج ماكو كالت بيبي نامو متجي ضوجتوها

- شسويلهم يمه بس يسألون
اكلج مدكيلنه على عبد الرحمن كلبي مفرفح عليه اريد اسمع صوته

- عمه خابرني قبل لااجي كال جهازي عطلان اتصل عليه من رقم صديقه

- اي دكيلنه على صديقه اكله اريد اسمع صوت وليدي

- ها مو اي ماشي راح اتصل

- اتصلت على محمد دكيت ماكو جواب

عمه مايرد استحي اتصل مره ثانيه

- مادكليلي شوداه هذا
شلون يعوفكم وحدكم

- شسوي عمه توسلت بي لاتروح مايقبل عاند الا يروح

- لج هذوله عافتهم امهم لحمه حمره ربيتهم بدموع العين وهو سوده عليه كضاها بالشوارع مايدخل للبيت يكلي اختنك يحظنهم ويبجي عليهم هسه عايفهم وشامر روحه بالنار

- اوووف عمه اووووف اندعيله مو يكلون دعاء الام مستجاب ادعيله يرجعلنه سالم

- يمه يحفظه ربي ويخلي ويرجعه سالم ويقر عيني بشوفته
الا اكلج هو ليش نيموج مستشفى