نساء من عالمي

الحلقه الثانيه والاربعون

‏أحُببتك بعين رأت قِمرًا أجَاد الرب خلقه ، أحُببتك دهرًا وإكِتملت فيكَ أمنيُاتي.
ـــــــــــــــــــــــــــــــــــــــــــــــــــــــــــــــ

لبوه:- اتبسمت وطرت احس روحي طايره بس خفيت هالشي ماريد تشوفني نغم خطيه تنقهر هم راح تبقه وحدانيه بعدي ياربي تسهل امرها وتقويها
مر كم يوم وعبدو صبح ظهر ليل يتصل عليه

- عبدو لتلتهي بيه عندك شغل ميصير اخذ كل وقتك

-لج ابوك نفسي بوكه بالدوام واختل علمود احاجيج

- لا لتسوي هيج هم لازم تداري شغلك ورانه زواج

- حبيبي شنو بنفسج شلون تريدين يصير زواجنه

- عادي شلون ماانت تحب

- لبوتي يروحي انتي اطلبي وكولي شنو بنفسج والله حليب العصفور اجيبه

- وجودك بحياتي كافي

- بعد مااسميج لبوه عندي اسم الج

- وهو

- وردتي

- هاي شنو

- اي وردتي امو احلى من الورده

-اتبسمت سكتت مشكله استحي

-خجلتي هسه صرتي جنج ورد جوري خدودج وردن

- كافي عبدو

- يروحه ويعيونه لعبدو هو انه صدكت اخذتج

-عبدو ليش متجيب زين ولجين يمي

- لا بروضتهم ويضوجوج عود

- لا اني احبهم

- ملحكولها وردتي
هسه خلينه بنفسنه شوكت نروح نختار اخشاب الغرفه

- بهل السرعه

- شكتلج اني

- بس

- لتعانديني

- لا خلص هاهيه

- عفيه انه دااحضر شوكت مااكمل نتزوج

- هاهيه

- يله حروح ليحس المدير

- اوك باي

حسيت البيت هدوء طول مااني اخابر هاي وين نغم وبنتها طلعت افتريت بالبيت باوعت ماكو احد
صيحت باسمها ماكو
اتصلت عليها موبايلها بالبيت
شويه واجت وجانت شايله لوكه ب ايد والعلاليك بالايد الثانيه

- هاي وين جنتي

- يم هذا ابو الاسواق الي يمنه

- شعندج شتسوين

- اشتريت غراض مال كيك فورمات وكريمه ومن عالامور

- وانتي وين تعرفين تزينين الكيك

- طلعت باليوتيوب اتعلم مابيها شي

- يله تعلمي شكو بيها

- اخذت تفاحه وكعدت اكلها ونسولف