نساء من عالمي

الحلقه الثالث والثلاثون

كأنك بالحسن يوسف وكأنني بالحزن يعقوب

ـــــــــــــــــــــــــــــــــــــــــــــــــــــــــــــــ
نغم:- صافنه وتذكرت كلام عمو قتيبه
منو هاي الوحده الي يحبها ومتصيرله
زين هو شلون يكلي عن هيج موضوع يعني لو حتى
جان قبل يحجيلي بس عمره ماحجالي شي هيج خاص
لمنو يقصد
معقوله للي بالي
هزيت راسي برفض لا لا مستحيل استغفر الله شهل التفكير
بس هو ليش سولفلييييي ليش
زين اني ليش صايره اتحسس منه وانحرج
ليش ضجت من عرفت يحب وحده
اني شعليه
بس احساس غريب جاي احسه كلما اشوفه
ماعرف شي ماحاسته قبل
معقوله حب
اي يمكن اني احبه
زين شلون هذا زوج عمتي وربيت عدهم شون
لا لا اني مجرد دااوهم نفسي بهيج شي
بس اني لازم ابتعد واذا اتصل مره افتح خط مره لا
احسن
ـــــــــــــــــــــــــــــــــــــــــــــــــــــــــــــــ
لبوه:- اخذت الكوكتيل منه واتبسمت واني جاي اخذه شفت سيارة عبد الرحمن بالفرع واكفه وشافني من اخذت منه الكوكتيل
كلبي جمد وغابت ابتسامتي

- فراس- شبيج لبوه شو ضجتي

- باوعتله رأسا بعد ماجنت اباوع لعبد الرحمن بارتباك
ها
لا
لا مابيه شي

التفتت للمكان الي جنت اباوعله شاف سيارة عبد الرحمن داتطلع من الفرع نصها طالعه
كز على اسنانه
كال
ياكلب
وراح يركض بالفرع يتأكد
صحت عليه مارد
وكف براس الفرع عرفها يمكن
عزه نوبه مستحيل يصدكني شراح اكله
رجع وعاقد حاجبه من الغضب عيونه صارت تجدح نار
جرني من زندي وفوتني للبيت وفتت وهو وياي وسد الباب برجله دارني عليه
كال
هاااااا
كولي ماعدي شي

- على شنو

-خطيبج

- شبي

- ( كز من بين اسنانه) لبوووووووه 

- مادري عن شنو تحجي

- متدرين مو

- اي

- بصياح:- جذااااابه
انتي متواعده وياااااا

- سكتت

- انتي تكذبين لبوه
ودفر السندانه الي بيها زرع تكسرت
تكليلي ماعندي شي ويا
وتكذبين

- سكتت

- التفت بغضب احجي شبيج ساكته

- انت شنو تريدبالظبط

- ترجعين لبيت اهلي

- ماارجع

- اتبره منج اني واهلي وعمامي

- سنين عشتها ماعترفتو بيه كل انواع الذل شفتها

- واني هيه جاي احميج وعيني عليج

- اني هسه اعرف شلون احمي نفسي واداريها

- لبوه عيشه وحدج بعد ماكو