نساء من عالمي

الحلقه التاسعه والثلاثون

وكأنكٍ لحنٍ عذب يطرب القلب
او ريح صبا يشرح الصدر
صافية ك ماء زمزم
وعفيفه ك عفة مريم
بطهارة القدس
وجمال مكه
كأنكٍ ملكةً قدسيه
شفافه هادئه تطمئن لها القلوب

ـــــــــــــــــــــــــــــــــــــــــــــــــــــــــــــــ
مساء الورد
اصدقائي حابه تنطوني رأيكم بفقره حابه اسويها بحسابي بعد قصتنه نساء من عالمي وهي
الفقره بحوثات عامه مثلا معلومات عن غرائب وعجائب عن اشياء يمكن ماسامعيها او نعرفها عن الكون عن الخلق الكون صفات الملاىكه اخطاء الانبياء كذلك عن الاموات وعن الاشباح وكل الغراىب او اي شي حابين تعرفو فااذا حبيتو الفقره اكتبولي حتى بعد القصه اقدملكم ابحاث متعدده عن موضوع نحتاره سويه
والي ممنظمه لكروبي تنضم اسمه
كروب سيدات العراق للكاتبه Raghad almouly
طابت ليلتكم
هذا البارت سحور صار هههههه
ـــــــــــــــــــــــــــــــــــــــــــــــــــــــــــــــ

الخميس اليوم كلت راح يجي الصبح وشنو يعني ارفض
كدام السيد اكله مموافقه شنو هو اجبار
الصبح مااجه الظهر هم ماكو
العصر خابرت نغم

- لبووووووه

- شكو شبيج

- لبوه عبد الرحمن ضارب فراس وهو هسه بالمستشفى وعبود اخذو للسجن

- عزززه شتحجين
ليش ضاربه زين وين راح بيا سجن اخذو

- ماعرف متعاركين وضاربه مأذي

- شنو فراس هواي متأذي

- كاسرله اسنان ثنين وراجه لراسه بالكاع العالم كوه مفاككتهم وشايلي عن فراس
فراس خطيه مكسوره ايده وهسه بالمستشفى

- ولج ليش هيج مسوي بي

- ماعرف شمدريني

- يله روحي اني جايه عدكم

لبست وطلعت بسرعه ورحت لبيت عمي اريد اعرف تفاصيل وعبود بيا سجن بالظبط
رحت ولكيت الكل اعصابها طافره وعمه ابتسام كاعده تلطم على فراس ومن شافوني غابت ملامحهم مهتميت اني شعليه شسويلهم
كعدت يم نغم همست يمها
شنو الاخبار معرفتي شي

- لا

- وباوعت لعمه ابتسام وهي تحجي وتبجي
يمه فراس يمه لو رحت مني اني ماعيش
نكسرت ايده للي ضربك عساه نايم نومتك ولك يمه ممأذي احد وليدييييييي
جيبوليااااااا يمه فراااااس

علياء تباوعلي وضايجه مني حيل من نظراتها عرفتها
التمستلها عذر وقتها حقها اذا رجلها يريد يتزوجني ونام مستشفيات بسببي حقهم يضوجون مني او شما يسوون بس هم لان يعرفون الشي مو مني عن قصد ف ساكتين

مرت تقريبا ساعتين وخابر محمد
جابته علياء وفاتحه سبيكر ( مكبر صوت)

ها يمه حبيت اطمنج على فراس ليضل بالج زين زين