نساء من عالمي

الحلقه الرابعه والرابعون

احيانا عودة اشياء وقد انتهت الرغبة منها لاتعد تجدي
مافائدة الاوكسجين لمن فارق الحياة!! 

ـــــــــــــــــــــــــــــــــــــــــــــــــــــــــــــــ
بارت مفاجئ لعيونكم
تحياتي الكم رغد عبد الحسين الموالي
ــــــــــــــــــــــــــــــــــــــــ ــــــــــــــــــــــــــــــــــــــــ

نغم: • كاعده افكر شراح اسوي بعد زواج لبوه
اهلي محيخلوني اعيش هنا وحدي راح يجبروني على العيشه وياهم واني مستحيل اعيش وياهم
زين شلون شنو راح اسوي
اجيت وخسرت عمو قتيبه استغفر الله اني شسويت
ياربي دبرلي امري لاتخليني حايره اني لااكدر اعيش وي اهلي ولا الي مكان بعد بيت عمتي
شلون
رغم اتضاهر بالكبرياء كدام لبوه حتى ماتشيل همي بس جذب بداخلي خوف واتمنى اكلها ابقي لاتزوجين
بس لا هي خطيه خل تشوف حياتها
اباوع لملوكه الي مطشره مكعباتها يمها ولعاباتها وكاعده تلعب وحدها لااخ لااخت لااب رغم صغيره ومتحجي ولاتشكي بس اباوع بعيونها افتقاد لشي معين
تفتقد اب
افكر واكول شراح اكلها من تكبر؟
اكلها ابوج ماعترف بيج نكرج وعافج
شكلها؟
زين اني شلون حربيها وحدي هاي مسؤوليه اني كوه شلت مسؤولية نفسي
شلون؟
واني الف حسبه بالي وصافنه رن تليفوني رقم غريب

- الو

- منو

- شلونج

- (صوت مألوف) منو انت

- معرفتي لصوتي

- تحجي لو اسده

- اني ميثم

- وكفت على حيلي فازه من سمعت بااسمه وهو الي يكلمني
شتريد شعندك مخابرني

- اني اعرف اذيتج وضلمتج وعفتج بااكثر وقت انتي محتاجتني بي نغم اني مالي عين اكلج اسف بس اتمنه تسامحيني

- هه بعد هاي السنييين جاي تكلي سامحيني هسه تذكرت

-نغم اسف اني جنت مو بوعيي

- مااسامح اذا مو علمودي علمود بنتي

- شكبرها صارت

- والله؟ هه

- اسف كتلج لتلحين

- هه بديت تعصب كلي لاتعاندين ولاتكلين لا ولاتجادلين ولا ولا ولا مو هاي عوايدك

- هيج شايله بكلبج عليه

- لا العفو المفروض ماازعل.
شذكرك بينه عكب هالسنين

- نغم اني تعلمت درس عمري وحياتي ماانساه

-اي احنه عايشين علمود نتعلم الحياة تنطي دروس

- ايييييي
تعلمت نغم تعلمتتتت

- اي صدك سمعت تزوجت على الخير

- هه طلكت

- نوب؟!!!!

-طلعت متجي لاضفرج متجي لسترج ولشرفج وعفتج