صدفه تلاكينه بدرب
وعيني على عينه تلاكن
شكد طولن بالحجي وشكثر عاتبن
يالشايلك وماشايل عليك
انه روحي وكلبي وبنيتك كهلن تناثرن
راحن من انت رحت ولاتكول انه ماصنت
نظرات يمكن بالثواني طولن
بس شكد فسرت الغاز وشكد عدلن
-------------------
ماشوف الا الباب نفتحت كلها
مصطفى فتحها وكف وصاح باباااا اجه يركض عليه
هو شافه غتاض اكثر
اني استغليتها فرصه ونهزمت للغرفه وسمعه صاح بي
ااااااانت شكعدددددك امشي وليييييييي
وزفر ويدردم. بصوت ويمشي
واحد ماياخذ راحته بهلبيت وشويه شويه صوت بتعد عرفته
كعدت بالغرفه الطم ع وجهي وابجي
شداسوي. ليش هيج دايصير وياي
لييييييييييشششششش
شسويييييت شنووووو ذنبي. وابجي دموعي غركن وجهي مشكله ماداكدر اتقبله ماريده كمت حتى روحي اكرها نسيت نفسي نسيت اني بنيه ومقتبل العمر مفروض سعادة تغمرني اعيش حياتي اذا بصغري هيج عذاب اشوف بالكبر شنو اشوف
مرت الايام وخلال هالايام عصام يباوعلي بغضب واني اني اتلافه نظراته واسوي نفسي عادي مامهتمه
كمت مااهتم بروحي وهملتها علمود لايفكر بيه خلللص ماريده وطول النهار اشتغل اكعد من ال 8 لل12 بعد منتصف الليل اني اشتغل كمت اطلع شغل يهد الحيل كل كم يوم اطلع فراش معين والزمه واغسله الزم السطح تنضيف اروح غرفة السطح الفوك اخليها تلمع اشتغل كأنما أنتقم من روحي اكول لبوه انتي مكتوبلج شلعان الكلب لاتفكرين بغير شي لاتفكرين تنسعدين وتعيشين لاتفكرين رجال يحبج من كل كلبه كلها تريد مصالح كلها جذابه جانت الوحيده الي اعاقبها نفسي كمت احس بنوع من القسوه كلما اقسي ع روحي والم الكتمان الي بداخلي وحده قضيه اسمع حجي واهاين وغلط منه ومن اخلاص وانضرب واسكت
كأنما عبده كأنما مشتريني بفلوسهم اكول حل بيه اني هذا اني ليش اقارن روحي بالبشر حيوانه اني حتى اسمي مال حيوانات انتقم حيل حيل كمت انتقم من روحي وماارتاح ابد ومرات احس بدوخه مااتوازن رجليناتي تاذيني من كثر الوكفه والشغل واضغط ع روحي اكل قليل جدا حتي ضعفت هواي يمكن ردت اموت واخلص وارتاح اشوف اهلي اشوف بيبي اصير تحت رحمة الله مو البشر لحد مابيوم كلت راح ارتااااح ويصير الي اتمناه واموت
جنت واكفه انضف وماحس الا دوخه قويه لزمتني ومباشرة وكعت وماحاسه ع شي الا واني بالغرفه واخلاص تضرب بوجهي وتشممني عطر
فتحت عيني بصعوبه ودووووخه قوووييييه.لزمت راسي اريد اتوازن ماكدرت مباشرة هي جابتلي عصير برتقال حلو كلش ونطته الي هاج شربي
اخذته بس ايدي ترجف لزمته وشربته الي وحجت
- شجاج متكليلي شبيج هالايام
- مارديت
- ضغطج مصفر ارتاحي شويه ع عصير داجيبلج روبه مالحه تعدلين ضغطج
هزيت براسي اي مارديت
اجت جابت واكلت ارتحت شويه وبقيت مدده لليل حسيت الباب نفتحت ودخل عصام كعد يمي طبعا جنت نايمه بالكاع ع فراشي. قرفص كدامي وحجه
YOU ARE READING
نساء من عالمي
General Fictionثلاث فتيات كل واحده منهن تعيش تجربه قاسيه قساوة الضروف قساوة الحياة قساوة المعيشه قسوة الرجال لكن قساوة الضروف تخلق منهن صلابه بصلابة الحديد وقسوة الأيام ليكونو قوارير من حديد تألم اذا وقعت عكس قوارير الزجاج التي تتحطم!!
