نساء من عالمي

الحلقه الثالث والعشرررووون

اكسري كل قيود الحزن سيدتي
كابري على جراحك وأبتسمي
كوني القوه كوني الصوت
كوني الامل كوني الحياة
كوني سيده حالمه طموحه
مفكره ناجحه حبيبه وام
وصديقه واخت وابنه
كوني أنثى صعبة المنال
ك مكه يتمناها الجميع
لاتكوني ك روما
كل الطرق تؤدي اليك
كوني لبوه وسط غابة كوني إمرأءه ♥🌹
ـــــــــــــــــــــــــــــــــــــــــــــــــــــــــــــــ
نغم:- مر كم يوم واني بيت عمتي لاميثم اجه ولا اهلي وقررت اتطلك وعمو قتيبه وافقني بالرأي بس عمتي ماقبلت اني ماهتميت وكلتهذا قراري ولازم اتطلك
بيوم عمو قتيبه جان رايح سفره وي اصدقائه بقينه اني وعمتي بالبيت وطول مااحنه نكعد تفتح الموضوع وتحجي وياي

- عمه مو هيج انطي فرصه تلكي مضغوط شغل وبيت ومصاريف مايتحمل على كيفج فكري بالي بطنج
باجر عكبه تطلكين وتجيبين هالطفل شلون تعيشي هاي اذا مالمحكمه نطت الحضانه لابو وانتي تكولين هو ايده طايله يعني ابنج يصير مكفخه. وباجر عكبه انتي تتحملين ذنبه

- عمه يعني اذا عشت وياه راح يتغير راح يحس على روحه

- اي يتغير تخلفين وجهالج يكبرون يكسرون عينه هو يتعبه الوكت

- واني. هااااا شيبقه بيه منا لما يكبرون عمه اترجاج عيشه انتي معايشتها لتحكمين

- شتقصدين

- يعني انتي بس عمو قتيبه شويه نتر بيج زعلتي عليه لو ضاربج شتسوين هاااااا

- سكتت

- تتوقعين سهله عليه انضرب وابقه ويا حيوان اني نفس الجسد اليضربه بالنهار يريده بالليل مللللييييييت اني بشرررررر
لو عندي فعلا بيت يحتويني جان عفته من زمان بس اعرف اني عندكم ثكيله وابويه عنده اموت ولااتطلك شلون يعني اعوفه يأذي بيه هسه لو يقتلني ارحم بس مو يضربني يأذيني واصير معوقه بحال اليجيبلي كلاص مي

- ليش هيح تفكرين

- وليش ماافكر هااااااا ليششششش
شكم مره انتحرت بسبب زوجها
شكم وحده ماتت والقتلها زوجها
يعني تردوني اصير مثلهم هاااا

- انتي هواي جازمه عليه ولج فكري بلي بطنج يتغيييير ماكو رجال يبقه نفس طبعه جهال يغيرووووو

- انتي الكلام وياج صعب لانج مموجوعه مثلي ليش احجي وياج

عفتها ورحت كعدت بغرفتي استثقلت وجودي ماعرف قبل لو حتى كنت اتعارك وياها مااهتم مااستثقل وجودي بسلما تزوجت لا حسيت بيت غريب
طكت الدمعه بعيني وامسحها ماريد ابجي مااريد ابين اني ضعيفه لازم اصير قويه لازم ماانكسر
نص ساعه واسمع صوت امي بالصاله بره
استغربت شعجب اجت

وينها يعني والله اذا عرف ابوها يكلب الدنيا

- طلعت عليهم وباوعت لعمتي
هاي كتيلها صحتيلها علمود تقنعني ارجعله