يالخليتني بَلا لون
ششكيلك ؟
انا الكِل ما اصفن تجي ببالي وأغنيلك
عن يَاهي اسولفلك ؟
انا المتعوب منك حَيل ..
شحچيلك ؟
ـــــــــــــــــــــــــــــــــــــــــــــــــــــــــــــــ
مساء الخير
اعود وياكم بتكملة القصه لان صارت عندي ضروف ماكملت
بالنسبه للتجاوزات والحجي الي صدر من البعض ماله كل داعي اني بلغتكم وغبت
بس اكول الله يسامحكم بالنهايه كل انسان وضروفه
بس اكو وحده تكلي انتي صعدتي براسنه بالله شون صعدت اشو حسابي قبل سنتين ٢٠٠٠ وهسه اكثر ب 37
يعني شون صعدت بالله وشمحصله بعدين مع الاسف
اني لا دااريد اصعد ولا ادور هالامور ارتقو شويه تره مامحصله شي
ثقو بالله الي تجاوز وتغلط مره ثانيه احضرها تره كل تعليقاتكم اشوفها واقراها
متصبرين انتضريها تخلص واقريها مو تكومين تلعنين
نوب مابقه عليه غير يلعنوني مع الاسف شنو من ناس تقره حتى ريحة الثقافه ماعدها شجابج على القرايه والكتب
هذا البارت ماكامل لان اساسا بعدني ممكملته اجيت حتى اكمله واختمه وانشر على الساعه عشره شفت السب والغلط واللعن وضجت حيل
ـــــــــــــــــــــــــــــــــــــــــــــــــــــــــــــــ
لبوه:- وصلت الباب دكيتها مرتين تلاثه والرجفه تملكت جسمي عيوني بدت تغوش لزمت الباب حتى مااوكع فتح الباب عبد الرحمن بعد مادكيتها لكن قبل مااحجي شي وكعت لكن ماحسيت ارتطمت بالكاع حسيت بي صاح لبوووووووه وتلكاني
بعدها ماعرفت شنو صار
حسيت وره ماعرف شكد فتحت عيني ببطئ
شفت عبد الرحمن فاتح ايدي مخليها على وجها ولازمها
كأنما يشتم بيها ونايم وهو كاعد على الكرسي
دااسحبها فز
- ابتسم بثكل همس ومسح على راسي شلون صرتي
- متحملت بجيت لزمت ايده بيدي الثنين
- ايدج المغذي ( همس لان ايدي اليسره بيها كانونه ومغذي)
مارديت همست عبود ليش ليش هيج ليش
من كثر مااريد انفجر بالعتب واحجي حسيت كل الكلام ضاع اكتفيت ب ليش واباوع بعيونه ادور جواب عيوني تتنقل من عينه ليمنه لعينه اليسره ادور امان ماريد يعوفني
- همس ويهز راسه بتفهم:- ارتاحي.......... ارتاحي
همس عدلي حجابج حصيح الطبيب
وطلع
شويه واجه الطبيب وياه
قاس الضغط
- لا هسه تمام ضغطها
خل نقيس السكر ونتأكد اكثر
دايقيس السكر اباوع لعبود من دينغزني باصبعي الدكتور ويقيسه عقد عاحجبه همس دكتور فدوه لاتأذيها
- باوعله وابتسم
قاس السكر فحص عيوني ضغط على اضافري
- انتي اكو شي يوجعج
- اي مرات گلبي
- وبعد
- مرات تجيني دوخه قويه ومااسيطر اصير ارعش اروح انام
JE LEEST
نساء من عالمي
Algemene fictieثلاث فتيات كل واحده منهن تعيش تجربه قاسيه قساوة الضروف قساوة الحياة قساوة المعيشه قسوة الرجال لكن قساوة الضروف تخلق منهن صلابه بصلابة الحديد وقسوة الأيام ليكونو قوارير من حديد تألم اذا وقعت عكس قوارير الزجاج التي تتحطم!!
