نساء من عالمي

الحلقه التاسعه والعشرون

و كانت بأيدينا ان نمحي الماضي لمحيناه
لو كنا نستطيع ان نعيدالسنين لأعدناها
لو كنا لو كنتم لو حكينا لو تكلمنا لوفعلنا
    لاشيء من الملامة الان يجدي نفعا
         غير الاستقامه والعمل بالعقل

ـــــــــــــــــــــــــــــــــــــــــــــــــــــــــــــــ
نغم:- حضرت الجلسه الاخيره بعد ما علمتني لبوه...

اسمعي- تروحين وتاخذين بنتج وتطلعيلها حقها

- راح ينكر

- تحليل سوي Dna يثبت اذا كان الطفل منه او لا

- صدك.  يعني اكو هيج تحليل

- اييييي لعد شنو عبالج لعبه هي وتكدرين ترفعين عليه دعوه انو نكر نسب بنته تحكي بيها

- اني لحد الان جنسيه ممطلعتلها

- اذا ابوها متبري منها.

- سوده عليه لوكه هي شافت من حياتها بعد للقهر

- شوفي اكلج التمسكن والسوده عليه هذني ميوكلن خبز صارت بيج خير روحي طلعيلها حقها وطبي بعينه اذا ينكرها 

- والله اكلب الدنيا بكيفه

- اي عفيه لتسكتين حقج وحق بنتج لتنتظرين احد يجيبه الج انتي اخذي حقج

- ماشي اروح اني

- روحي فراس على جيه

- والله هالولد ابتله بينه وبطلاكاتنه

- شنسوي متكليلي عدنه غيره

- لا الله يحفظه النه

-لبست ولبست بنتي ورحت وي فراس وكدام القاضي كلت هذه بنته هو ضل صافن فاك حلكه ممصدك

- جذابه هاي مو بنتج

- بلي بنتي

- لقاضي:- شنو ماعندك علم حضرتك

- سيدي جابت وهي بيت اهلها.

- هذا مو مبرر حتى متدري شنو اجاك طفل او تشوفه بعدين هو مبين ابن الشهرين تقريبا

- سيدي جنه مقررين نتطلك 

- بأي حق تطلك تلاث مرات وانت عندك طفل لحد الان مامعترف بيها جريمه يحاسب عليها القانون هذه

- سكت ويباوعلي من جوه حاجبه بغضب

-باوعت للقاضي وتكلمت:- سيدي ينكر نسبها يكول مو مني ضربني ودفرني على بطني وعافني ورحت بيت اهلي وولدت عدهم ولاسال ولا كال وعندي شهود على هذا كلامي وبالنسبه لاثبات النسب اني اسويلها تحليل ويتأكد بس اريد حقي وحق بنتي سيدي اني ذهبي احتاجه وبعته اله واخشاب غرفتي يمه وجان يخوني هاي من ضربني لكيته على فراشي وبيتي يخوني

- انتي تعرفين شكم دعوه تكدرين ترفعين عموما انتي يرادلج محامي شاطر يجيبلج حقج وحق بنتج
اشار على ميثم وبيده القلم بطريقة اتهام
انتو امثالكم الي دمرو بنات العالم وطلعوهن عن طورهن واخلاقهن ودينهن
انت من مو كد زواج ليش تتزوج ليش تورط بنت الناس بيك