إن يدي التي تحاول الصعاب لويها
رفعتها الى الله ولنرى من سينتصر
ـــــــــــــــــــــــــــــــــــــــــــــــــــــــــــــــــــــــــــــ
لبوه: صحيح انو مرت عمي تغيرت وياي بس اني نفسي مامتقبله اسكن وياهم فكرت بعد مااتطلك اروح اعيش بيت بيبي وحتى لو وحدي وشنو يعني لازم ابلش من جديد لازم اوكف على رجلي واكسر كل قيود الضعف والحزن الى متى واني ساكته لهذا ولهذاك صفعه تودي بيه وصفعه تجيب مالازم اسكت لازم اخذ حقي من كلشي
كلش دخلت بالي فكرة انو اتطلك من عصام وهالمره لو تفزع عليه امة محمد كلها اتطلك يعني أتطلك مستحيل أعيش ويا بعد اتطلك واروح اعيش بيت بيبي واشتغل وأعيش واكمل دراستي
اي لشوكت ابقه هيج عمر جاي ينكضي ومفتهمت منه شي
افكر وقرار يودي بيه وقرار يجيب فزيت من تفكيري على اخر مكالمه بيني وبين عبد الرحمن الي نسيت امسحها بالجهاز
عزه هاي شنو حسوي شلون موبايلي عفته هناك واكيد هسه يفتحو اخلاص هسه تفتشه وهسه تعرف وراح تكله لعصام عزه اذا عرف عمي شراح اكله شلون حخلص نفسي شنو راح اسوي
من كثر التعب الي تعبته بارحه نسيت المكالمه والموبايل وكلشي نسيت فكرت انهزم واخلص
خاف يتصل عبد الرحمن
وتفتحله خط اخلاص وتعرف عزه العزاح لبوه
زين شون
لازم اتصل بعبد الرحمن لازم اسوي شي يمكن يطلعني من هالمصيبه
بس شلون؟
منين اجيب موبايل واخابر؟
لازم اتصل لازم اكله يروح يتصل هو هم وتصيرلي قصه
زين شلون؟
بقيت حايره اروح واجي بالغرفه وافرك أيد بأيد ماعرف شسوي
ماعندي علاقه بنات عمي زين شلون
اجت مرت عمي ابتسام فتحت الباب
لبوه كاعده
- اي عمه هسه كعدت
- تعالي لبوه تعشي بنتي عالريوك غده ماتغديتي
- غفيت من التعب ماحسيت
- شفتج غاطه بنوم كلت خليهاخطيه
- خليت الشال على راسي وطلعت خجلانه وماعرف شسوي شحجي اباوع وارد انزل راسي استحي
هم اكلت هيج شويه وكمت مالي نفس قلقه ومامتعوده عليهم اساسا مامتعوده على الناس واللمه والكعده والسوالف الاجواء العائليه مامتعوده عليها ماعشتها
من شافتني مرت عمي فتت شويه وهم اجت عليه
لبوه تعالي لتبقين هنا حاصره نفسج بنتي تعودي علينه مو تردين تطلكين شلون حتعيشين لعد تبقين هيج؟
هزيت براسي بمعنى نعم وطلعت
لكيتهم كلهم ملتمين بالصاله والجاي والكعك والفواكه والسوالف والضحك والجهال يلعبون وهوسه يايممممه
شي صدك ماعشته بس جان يزعجني
لان مامتعوده اخلاص وعصام داىما بغرفتهم على كد الشغل وقت الاكل ناس تشوف ناس والبيت هدوء
اباوع محمد وفراس كل واحد عينه بتليفونه ونسوانهم على المسلسل ومندمجين فاصلين اصلا جهالهم واحد يصعد على محجر الدرج واحد مطلع العابه ويلعب ومهوس المكان وحده نايمه وحده تلعب وياهم
بنت عمي اساور كاعده ترسم وعمه ابتسام هم تتفرج عمي ماهو ماكو
شويه واجه جان يصلي حسب معرفت
صاح صوت بالجهال خنسو وكلمن ذب تليفونه هدأ شويه البيت
كلها تخاف وتعمله حساب وتخنس وكت هو موجود
كعد تحمحم شويه وحجه بدون مقدمات او يحدد لمنو يوجه الكلام
YOU ARE READING
نساء من عالمي
General Fictionثلاث فتيات كل واحده منهن تعيش تجربه قاسيه قساوة الضروف قساوة الحياة قساوة المعيشه قسوة الرجال لكن قساوة الضروف تخلق منهن صلابه بصلابة الحديد وقسوة الأيام ليكونو قوارير من حديد تألم اذا وقعت عكس قوارير الزجاج التي تتحطم!!
