نساء من عالمي

الحلقه الخامسه عشررر

لم يلامس صوتك أذني بل قلبي
حنين قلبي إليك وذاكرتي التي توفيك رغما عني
همساتك كلماتك التي تشعرني بالدفئ دائما
هي مخبأه في داخلي احتفظ بها في روحي
أنت سري الذي حدثت الله فقط عنك
اودعتك في قلبي حبيبا ومنزلا لك
فمنزلي يحتويك رغم كل شيء
------------- خواطر بقلمي رغد الموالي ------------

اصدقائي سويتلكم كروب على الفيس الرابط موجود بالبايووو انضمو للكروب
ـــــــــــــــــــــــــــــــــــــــــــــــــــــــــــــــ

وكفت اطلع المفاتيح افتح الباب واسمع صوته وراي
فتحت عيوني بوسعها وجمدت حركة ايدي بقيت على وكفتي وعيوني تباوع لوراي دون مالتفت حسيته هو

- لبوه باعيلي

- مرديت فتحت الباب لزمني من ايدي
التفتت وعيوني فاتحتها بوسعها ونظرات تساؤول معناها شتريد ماحجيت بس بينت بنظرتي
هو ماعرف شبي متوتر يلتفت يمنه ويسره وباوعلي بعدين انتبه لايده الي لازمه ايدي وخرها حك صفحة راسه بطارف اصبعه حجيت

- شتريد

- ماعرف. ماعرف بس. بس

- عبود روح الي بينه صفحه ونطوت روح عصام على جيه لتسويلي مشكله

- ( بنبرات متعبه احسها الكلمه تطلع من داخله مكسره مخنوكه صوته مخنوك وهو يكلمني عيونه تفسر ألم متألم هواي حسيته وهو يحاجيني ليش بس اريد اعرف ليش بقه يباوعلي يتأمل ملامحي وبعدين باوع لمصطفى وأحمد كال
تمنيت اني ابوهم مو هذاك

- روح عبود وعيش مالك علاقه بيه عوفني

- نص يريد ينتقم منج ونص يريدج كليلي يانص اتبعه جاوبيني

- باوعتله ختنكت ماعرفت شجاوبه خايفه يجي عصام خايفه احد من الجيران يجي خفت كل الكلام راح كل عتب السنين الي ضامته بكلبي تلاشى كل الوعود الي وعدتها لنفسي انو اقسى عليه ماكلمه مانطي وجه كلها راحت للحضه تحولت لوح يستمع مايتكلم كل الي لهج بي لساني هي كلمة روح

- جاوبي(بصوت مرتفع قليل ) احجييييييي لتحركيني بهذا سكوتج

- (بعيون دامعه) عبود فدوه رحتلك روح هسه لتهجم بيتي اذا احد شافك ماترحمني لسنتهم عصام اذا اجه يخلص عليه اني ماعندي احد

- لبوه كليلي جبروني كليلي زفوني غصب كليلي ماحبه احجي

- لا تزوجته برضاتي اني ردته واني عفتك انيييييي

- كذابه اكبر كذابه انتي كذاااااااابه

- روووح كافي روووح لاتجي بعد انسه لبوه ماتت مو لبوه نفسها تره بس شكل اني بس شكلللل

- حروح لبوه حروورح بس راجعلج اريد افتهم منج اريد اعرف لج مارتحت بحياتي ماتهنيت ماعشت لبوه ماعشتتتتتت