نساء من عالمي

الحلقه الرابعه

مساء الورد 🌹🌹

- من اليوم مالج عيشه ويانه لبوه اني اكله لعمج واخلي يتصرف وياج ثاريج تعظين الايد الي تنمد الج

- عمه بس افهميني

- شفتهم واني سامعتكم بأذني وخري عني
( مشت عنها وجان بحاله غضب)

- تملكني الخوف والدموع ماعرفت شسوي وشحيصير ومشكله ابنهم واكيد حيصدكو ياربي ساعدني

بعد ساعه اجه عمي وصاح عليه بغضب

- لبووووه

- نعم عمي

- بدون اي كلام ضربني كف
وسحبني من شعري ولج ثاريج راسمه ع ابني تردين تسحبي وتجري مثل ماامج جرته لاخويه انتو هذا رسكم تف ياوسفه ونهار عليه ضرب وتأذيت هوايه اخر شي مرت عمي كالتله عوفها حتموت

شوف سلمان اني ماكتلك حتى تضربها اني كتلك حتى تشوف صرفه رجعها لبيبيتها

- نجوم السمه اقربلها مترجع حبستها بهاي الغرفه متنفتح باب تحت اي ضرف لااكل لاشرب لاحمام خلوها بالكم واني اشوفلهاصرفها غير بيبيتها

-حطوني بغرفتي وقفلو الباب وجان جسمي يأذني من قساوة الضرب كدمات والالام ودم من شفتي
خلصتها بجي لحد ماغفيت

بقيت كم يوم ع هالوضع والدموع مافاركت عيوني بيوم اجه عمي وفتح الباب حجه بنبرة غضب

- كومي غسلي وجهج وبدلي ملابسج

- ليش عمي

- بدون ليش سوي الي داكلج عليه

- باوعت حالتي مو مال اغسل وجهي استأذنت ورحت غسلت وغيرت ملابسي ونشفت شعري وماعرف ليش بعدين افتهمت انو اكو خطابه بالموضوع بس ماتأكدت
الا ان مرت عمي حجتها وكالت

- اليوم يجيبون المهر مالتج

-( بأستغراب) مهري؟ !
شلون يعني غير خطبه بالبدايه اي او لا شلون هيج
ومنو هذا

- ليش بعد وكسة الراس الي نويتي تسويها النه بقه الج راي واحد خطبج وعمج نطاج وانتها الموضوع

- بسسس

- خليها البس بعدين تحضري حيجون نسوان

- جنت اتمنه اتخلص من بيت عمي بس مو بهاي الطريقه بيني وبينكم فرحت لان حتزوج واستند برجال يحميني بس موهيج انتضرت اشوف منو هذا وشنو الموضوع
بعد ساعه اجو الزلم واجو وياهم نسوان الزلم كعدو بالاستقبال والنسوان اجت بالهول باوعت النسوان شكلهم مو غريب عليه مألوف كأني شايفتهم من قبل حاجيه وياهم بس مداتذكرهم
بعدين وحده منهم كالت

- فدوه لايكتله لعصام ورد

- بداخلي كلت عصام! ! بس لا ابن عمتها لامي

- سألتهم العفو عمه عصام ابن حجي عدنان

- اي بنتي ليش متدرين شنو متذكرتينه مو اجيتي انتي وبيبتج بيوم وفاة امه الله يرحمها