نساء من عالمي

الحلقه السابعه عشرر

مو كلشي بسهولة تعيش من دونه
ولا أي واحد من يروح تگدر تستمر بعده

ابقى اشتاگ لا تهتم
ابقى تذكر الناسيك لا تندم
بس خليها يمك سالفة تفيدك

إذا باقين ما رجعوا
عدهم غيرك مكفّي

وإذا مجروح وما داووك إبچي
وريّح عيونك
مرات الدمع يشفي

سوّي شما تحب بس لا تتانيهم
ترى البي شوگ يتعنّى
وما يشتاگ بس العايش لوحده

ـــــــــــــــــــــــــــــــــــــــــــــــــــــــــــــــ
لبوه: خفت لايرجع يتصل عليه عزه العزاني شكلهم
يدرون بيه ماعندي لاكرايب لاصديقات لااحد شكلهم
اقفله للجهاز اي خل اقفله احسن
قفلت جهازي وضميته جوه المخده كلت احسن ماتصيرلي بلوه
بس متوتره وخايفه مشكله جان واضح عليه هالشي
رغم قفلت الجهاز بس من خوفي احسه راح يرجع يتصل ماصدكت شوكت تمر الساعات وكل واحد يروح لغرفته علمود ارجع اخابره واحذره ميتصل ماريد تصيرلي مشاكل البيه كافيني
فتحت الجهاز وارجف ايدي مثلجه من الخوف رغم صيف ابلع ريكي ومتوتره وامسح بعركي وايدي مثلجه وترجف
اتصلت رنتين وثالثه فتح خط

- جنت متوقع حتخابرين

- ( اهمس ع كيفي صوت ناصي) عبود لاتتصل بعد الله يخليك ابد لتخابرني

- ليش

- شنو ليش انت تخبلت اذا عصام عرف شيسكته

- تخافين منه شنو يضربج

- ( اتلفت بالغرفه واباوع للباب) الله يخليك امسح رقمي ولاترجع تخابرني ابد والله يذبحني بس يعرف فهمتك وافتهمت علمود ماتبقه حاقد عليه وتعرف اني ماعفتك بكيفي

- ( بنبرة حزن) لبوه عالم الله شكد تأذيت ردتج لبوه تمنيتج

- خلص كتلك قسمه ونصيب مو قسمتك اني بعد هاهيه

- ( جر نفس بحسره) ماشي لبوه

- ماكدر اخلي جهازي داىما مغلق راح ينتبه راح يحقق وياي ومراح يرحمني ساعتها

- يأذيج مو يضربج لبوه

- لا لا بس اي رجال مايقبل منو يقبلها على نفسه

- لو مامأذيج متخافين هيج

- سكتت لان ختنكت

- لبوه انتي شعندج بهيج وقت تخابرين ساعه دخلت الوحده منتصف الليل زوجج وين

- يم زوجته ذيج

- شنووووو!!!!!! ليش مزوج عليج لو انتي زوجته الثانيه

- لا هو متزوج عليه

- متزوج عليج؟!!
معقوله!!!
لج شكبرج ويتزوج عليج ليش

- سكتت

- احجي

- اختنكت مكدرت احجي مارديت