نساء من عالمي

الحلقه الواحد والثلاثون

عانقيني بكل ماأوتيتِ من حب
ازيدي في عناقكِ أحرقيني بنيران شوقكِ
ولتلتأم جراح السنين وقسوة الايام
ليستريح قلبي عند محط وصالكِ
فياحبيبتي أنا بالعشق قيسا فكوني أنتِ ليلاه
ــــــــــــــــــــــــــــــــــــــــ بقلمي ـــــــــــــــــــــــــــــــــــــ
عبد الرحمن:- شنوووووووو
تتندمييييييييييييين

- تنهدت انتبهت لكلامي كملت بهدوء:- اقصد اني بوضع مربك ماكدر اتخذ قرار

- اني حعتبر نفسي مسمعت هالكلام وراح اقدر وضعج واصبر

- خاف صبرك يطلع مامن وراه شي

- تهون لعيونج تهون

- انطيني مجال استقر اني تعبانه عبد الرحمن مااريد اتزوج واعيش بصراع وي نفسي خاف ماكدر اسعدك خاف مااكدر اكون زوجه تحلم بيها عبد الرحمن اني مو مثل الاول والله حتى خلكي قصير صار مااتحمل خافماكدر اصبر وياك على الحلوه والمره

- شنو الي تريدي بالظبط فهميني

- اريد استقر من كلشي واذا قررت التفت بيوم لنفسي واختار رجل فمراح الكه احسن منك

- ابتسم كال
لبوه يعني بعدني الي مساحه بكلبج

- مراح اخليك تتأمل ماريدك تتعذب

- تدرين

- شنو

- تدرين لبوه من عرفت انتي مامرتاحه وي عصام شكد فرحت بس نقهرت عليج
نقهرت لان جاي تتأذين نفسي سولتلي ردت اخذج منه ردت اكلج تطلكي واتزوجج وتخلصين منه
بس تراجعت كلت بيني وبين نفسي
عبود ليش تصلي ليش رحت بيت الله وتختم القران كل رمضان وتاليها تضيعها بيوم وليله
لاااااا وحده على ذمة رجال
تندمت بمجرد فكرت
استغفرت وكلت ربي اني نفسي بيها بس مو معناها اسوي الحرام وماانحسب من امة محمد
رسول الله تبرى من هيج ناس لبوه
( ليس منا من خبب إمرأة على زوجها) 
ف شلون اسوي هيج
صليت وكلت ربي من هاللحضه اختي هي دام على ذمة رجال
وخفت الله بيج
بينت روحي عادي وياج وتقصدت اكلج مره انو هذا ابني الي دايحجي وكت كنت اخابرج
حتى ماترجعين تتأملين بيه رغم بداخلي يصرخ يريدج بس كلت ابد كابرت على الحب الي بداخلي وبينت ماعدي اي مشاعر تجاهج حتى ماتفكرين بيه
حتى مااريد اكون سبب بانفصالج منه لان اعرف كلش زين المره مثل مالمره كتله من الحنان هي كتله من الضعف امام هذا الحنان لما ماكو من يحتويها راح تضعف امام شخص يحتويها لهسبب قسيت عليج ردتج تعيشين ماجنت اعرف اصلا انتي مو عايشه
رغم لحد هسه ماعرفت ليش انفصلتو بس اريدج تحجيلي بوقت ثاني

- تمام

- ولهسبب هم يالبوه قسيت عليج بكلامي ردتج تصحين
ردتج ماتسكتين عن حقج
لان اعرفج فقيره وهو مستغل فقرج وضعف جناحج
هيج ناس مايرادلها واحد يسكتلها