وكأن القدر اشتهى ان نكون صديقين
ك كلكامش وانكيدو
ـــــــــــــــــــــــــــــــــــــــــــــــــــــــــــــــ
نغم:- اجيت لبيت اهلي امشي على كيفي وجع العمليه مأذيني كلش شايله هم لأبويه بس مضطره اجي لاززززم
فتت وكلهم اجوي
الحمد لله على سلامتج حبيبتي نغم
هزيت براسي واهمس الله يسلمكم وصلني محمد لغرفة خواتي مددت عليها جنت كلش تعبانه
كعدت امي تحاجيني
نغم يمه والله مادري بهذا النذل هيج تطلع منه ويأذيج
- يمه عوفيني مابيه حيل احجي
- باعيلي نغم يمه حكج عليه والله خفت من ابوج كلت هسه يكلب البيت على روسنه منا بنت عمج هم زعلانه وتريد تطلك نوبه تجين انتي
- منو بنت عمي
جان افوت للغرفه شفتهم
اشرت ببنت الحلال اجت بذكرها
لبوه هذه بنت عمج
باوعتلي همست مستغربه
اني اول مره اعرف عندي بنت عم اسمها لبوه منو بنت ياعم منهم
- بنت عمج رياض
- باوعتلي كالت الله يرحمه بس ولامره حاجيلي عنده بنيه لعد وين ربت هاي السنين انتو مو كلتو كلهم ماتو
- سلمت عليها حمد لله على السلامه
- الله يسلمج
انتي هم تردين تطلكين
- باوعتلها عمه ابتسام يمه اشو (هم) كولي اريد اتطلك
- ضربت على كصتي(جبيني) ونفخت يمه اروحلج فدوه روحي
- كامت وكفت وحجت وتاشر باصبعها
نغم اي موضوع طلاك مينفتح هسه خلو الامور تعدي على خير ابوج لهسه فاير على لبوه وكوه مسكتي
- انتي لتحجين افتهمتي ماعليج
طلعت واني حجيت
نغم ميصير هيج تنترين بيها امج هاي
- هذه هم تسمه ام جايتها طالعه من حلك الموت اني وبنتي وتكلي ترجعيله متريدني اتطلك بنتي هسه ماعرف بيها تعيش تموووت ماعرف
وكامت تبجي
لتبجين فدوه هي هي معذوره تره خايفه عليج متدرين شسوه عمو سلمان
- ابتلي بأهلي هسه ابتليييييييي
لج محاسين بيه
ميكولون زوجنه جلبه لواحد اجلب منها نروح نشوفها نسأل عنها نوكف بوجه هذا النذلل ميكوووولووووون
اهدأي
شلون أهدأ هاااااا؟ شلووووون
ااااخ يابه بطني ولزمتها
على كيفج جرحج جديد مو زين
كامت تبجي اباوعها بايدها الكانونه وبلاستر على بطنها مخيطه ومتبهذله ومطعون وجها ايدها من ضرباته
وتبجي وتحجي
اني محد يحس بيه محد جاي يفهمني يربي والله تحملت وصبرت وكلت يتغير
لبوه تعرفين شنو حامل تنظرب
يربي ليش نطيتني طفل ليييييش ريتني ماخلفت ولا شفت طفل بعيوني وفوكاها بنيه لبوه بنييييييه
يعني تعرفين شنو راح يكون جنحها ضعيف مثلي راح تنظلم مثلي يمكن تتزوج واحد ذكر مثله ياذيها لبوه زين اني اذا تطلكت شلون حجرع العيشه هنا ابويه ماينطاااااق ماينطااااق وهذا النذل تهمني بعمو قتيبه يكلي مو بنتي لج تبره منها وخايفه ابويه يصدكه عقليته راجعه قرن لوره
حضنتها جانت تبجي وامسح دمعتها لتبجين فدوه كلشي يتصلح بس اهداي
YOU ARE READING
نساء من عالمي
General Fictionثلاث فتيات كل واحده منهن تعيش تجربه قاسيه قساوة الضروف قساوة الحياة قساوة المعيشه قسوة الرجال لكن قساوة الضروف تخلق منهن صلابه بصلابة الحديد وقسوة الأيام ليكونو قوارير من حديد تألم اذا وقعت عكس قوارير الزجاج التي تتحطم!!
