نساء من عالمي

الحلقه الخامسه والثلاثون

يؤلمني الحنين وتحرقني نيران الشوق
لكنني اقسم لك بأنني لن أطرق بابك مجددا

ـــــــــــــــــــــــــــــــــــــــــــــــــــــــــــــــ
مساؤؤ مسك
اصدقائي هالكم يوم مراح اكدر انشر احاول انشاء الله الجمعه او السبت انشر اذا صار مجال اريدكم تعذروني والقفله اعرفها صعبه بس خليتلكم اشاره تعرفون بيها اذا حيتصالحون او لا الذكيه حتعرفها
حلقه طويله علمود ماتكولون قفلت واختصرت وغابت كم يوم
اتمنى تساعدوني بدعم القصه اذا تشوفوها تستحق تحياتي
رغد عبد الحسين الموالي
ـــــــــــــــــــــــــــــــــــــــــــــــــــــــــــــــ
لبوه:- بقيت متحيره شراح اسوي خاف صدك يسويها وينهي عليه زين شون
اتصلت بعبد الرحمن ماجاوب
اتصلت مره ثانيه رفضه
ثالث مره طلعلي كبل مشغول كذا مره اتصل نفس الشي
عرفت حضرني
نار واشتعلت بصدري متوتره وماعرف شلون حطلع روحي من هالمصيبه
يعني اني مكتوب عليه القهر كل وقت
ليش ربي ليش
شنو ذنبي
شسوي شون
لازم اكله لازم انطي خبر يومين مرن
واني  افكر متحيره واروح يمنه ويسره افتر بالبيت وافكر اعصر بدماغي اريد اوصل لحل لطريقه اخلي يرجعلي يرجع هذاك حبيبي المجنون بيه بس شون
اخر شي اجت على بالي نغم
ايييييي اروح واتصل من رقمها هو حيفتح خط مايعرف رقمها
بسرعه بدلت ورحت لبيت عمي طلعت زينب

- زينب نغم موجوده

- لا

- وين

- بيت عمو قتيبه راحت
ها اوك

- تفضلي

- غير مره مو مستعجله
خابرتها

- الو وينج ولج وين موليه

- بيت عمو قتيبه

- جايتج طلعيلي انتي على الباب عندي حجي وياج وكون وحدنه
اوك
اجيت فتحت الباب مباشره ها شكو شصاير

- بسرعه موبايلج بسرعه

- ولج شصاير

- اريد اخابر فدوه على السريع بعدين افهمج بسرعه جيبي

راحت جابت الموبايل وبسرعه كتبت الرقم واتصلت بعبد الرحمن جاوب

الوو

- عبد الرحمن اريد احجي وياك فدوه ضروري

- لبوه مو

- اي

- سده مباشرة
باوعت اختنكت عزه لهدرجه مو طايقني
اتصلت مره ثانيه خلاني على الرفض
طكت الدمعه بعيني وصرت ابجي
جرتني نغم وكعدنه بالحديقه وكعدت ابجي
نغم شون شحسوي شلون اقنعه

- مابيديج شي

- اريد عنوان بيته اريد اروحله

- والله ماادري وين بيته شدراني