نحن من تساقطنا على الأيام، ولم يتكفل أو يفكر أحد بجمعنا، نحن أبناء مواسم التعب، من هشمت الحياة ثباتنا، ولم يعتذر إلينا أحد.💔
ـــــــــــــــــــــــــــــــــــــــــــــــــــــــــــــــ
نغم: اجيت وي ابويه للبيت الي نولدت بي بس ماتربيت بي
اخواني احسهم غربه محمد وفراس وخواتي رحمه ورونق ومريم رحمه متزوجه من زمان وخلصانه ابويه زوجها وهي صغيره كلش بقن رونق ومريم واني
حتى خواتي اهسهن بنات خالي مو خواتي
كعدت يمهم بالصاله
واخذ ابويه يكلمني
احجيلي نغم شبيج وي رجلج
- بديت احجيله بالموضوع كليته لحد مااجه عمو قتيبه واخذني هنا وكع الحق عليه
- انتي شلون تطلعين وزوجج ميدري
- وشتريدني يابه اخابره اترخص منه
-ايييييي انتي بحكم رجال وعلى ذمته
- يابه كتلك موتني كتل مايرحم
- هياتهم نسوان اخوتج الثنتين اشو اشكال بينهم يصير مافد يوم وحده طلعت زعلانه وعافت بيت رجلها
الا مرت فراس وهم هو يطلعها ماتطلع هي
- ويعني لازم اصير مثلهم شعليه اني كل انسان وحر بتصرفاته
- ( بصياح) لا مو حررر انتي بحكم رجال
شنووووو تردين بكيفج تطبين وتطلعين
تزعلين ولازم هو يجي يرجعج
- واني عاجبني ازعل موتني صاير عليه رجال وي امه وخواته حجايتين ميحجي
- هاي بوجها تكليله هالكلام هذا
- لا جاي اكلك الك هو بس عليه صايرلي رجال
- شوفي نغم تكومين هسه وبوجهج ارجعج لببت رجلج وحلكج متفكي
- كمت على حيلي: شنو يابه ترجعني انت صدك تحجي جاي اكلك ملخني وفوك كل هذا اخو يتحلف بيه يريد يضربني
- اي وانتي من طلعتي وما يدري هو انتي غلطتي اذا كعدنه بنص الزلم مايحكنه كدام الشيوخ مايكول طلعت من دون علمي
- انعل ابو الشيوخ الي ماتوكع الحق عليه علمود طلعتي ياشيوخ ياعشاير تحجي عنها
- ولج تردين هيج بوجهي اتبسزززز وضربني راشدي
ثاري من وره هذا لسانج وعرامتج ضاربج امشي والله دقيقه متبقين هنا
جرني بقوه وصعدني بالسياره واني ابجي وامسح بدمعي ماريد اضهر بالانكسار رغم داخلي متهشم
وصلنه للبيت ونزلنه دك الباب وفتحتها سوزان
- الله يساعدهم. ميثم هنا
- بلي عمو اصيحه الك
- سويلنه درب بنتي عندي حجايتين ويا ورديتله مرته هم
- ماشي عمي دقايق
- يباوعلي ابويه بغضب ويرجع يلتفت للباب لحد مااجه ميثم
KAMU SEDANG MEMBACA
نساء من عالمي
Fiksi Umumثلاث فتيات كل واحده منهن تعيش تجربه قاسيه قساوة الضروف قساوة الحياة قساوة المعيشه قسوة الرجال لكن قساوة الضروف تخلق منهن صلابه بصلابة الحديد وقسوة الأيام ليكونو قوارير من حديد تألم اذا وقعت عكس قوارير الزجاج التي تتحطم!!
