نساء من عالمي

الحلقه السادسه والاربعون

مهما عصفت بنا الاقدار هنالك رب كريم ꧁꧂

ـــــــــــــــــــــــــــــــــــــــــــــــــــــــــــــــــــــــــــــــ

مساء الورد
عيد سعيد وكل عام وانتم بالف الف خير اعاده الله عليكم بالسعاده ولم الشمل
واقدم اعتذاري عن تاخيري بالنشر حقيقه جان بارت ثكيل بصعوبه كملته ماعرف ليش ماتسهلت
بعد العيد ارجع انشر بقت اخر كم حلقه فمحتاجه كتابه بتأني
تحياتي الكم رغد الموالي
ـــــــــــــــــــــــــــــــــــــــــــــــــــــــــــــــ

نغم:- البيت صار وحشه من اول ليله طلعت بيها لبوه
بتت اني وبنتي لوحدنه حضنتها نامت بحضني لكن اني مايجيني نوم قلقه واستوحشت وخايفه من باجر
لما افكر استغرب بلي صار
شلون هيج التمت
ميثم
و هذا الرجال الي تقدملي
زين يعني معقوله اني اتزوج فد يوم او اخليج تعيشين وي رجال غريب عنج
لا ماما حبيبي مستحيل
مستحيل يروحي انتي
اني اريدج تعيشين بحريه وبعز وبكرامه
حضنت بنتي وغفيت ومانعرف باجر شنو ينتظرنه
بس نكول النه رب كريم
ثاني يوم الصبح
خابرت لبوه

- شلونج حبيبتي صباحيه مباركه

- اشكرج

-احجيلي شلونكم

- سعيده نغم سعيده عبدو ملاك الله هداه الي

- الله يسعدكم ويديمكم لبعض

- البارحه لخو خفتو

- لا لا ابد لتشيلين همنه

- الحمد لله
بس بالي يمكم والله

- لبوه انتي تزوجتي التهي بيتج بحياتج مالج علاقه بينه

- لا نغم لا
اني حبقه اساعدج واشتغل والربح كله الج عيشي انتي وبنتج

-لبوه ماعليج مني انتي هسه بركبتج عائله
وبعدين اني الامور طيبه وياي دااشتغل وماشيه

- نغم الله عليج محتاجه شي هسه

- سلامتج عيوني انتي اخذي راحتج بيباي

- باي

مثل كل يوم كمت على شغلي اشتغل وانضف البيت وابدي اشتغل بالكيك
وملوكه تلعب يمي
واني هم جاي استغل وقت فراغي بربح وعيش بكرامه
الجو حلو هيج على كسرة صيف نهاية شتاء ولوكه مخليه ملاعيبها يمها واني ارسم بالكيك وردات او ورق او قلوب حب
هه مرات من تجي بنيه تطلب كيكة لخطوبتها
وفرحانه ومتحمسه وتريد قلب وحرفها يم حرفه اضحك
اضحك لان بكلبي اكول بعد مشفتي شي من الزواج
بعدج على البر شفتي؟
صرت مااقتنع اكو رجل يسعد مرأءه رغم اشوف لبوه وعبدو بس اكول لا بعدهم بدايه الله اعلم شراح يصير هسه فتره ويملها ويكوم يدور اطفال
صرت اخاف عليها هواي وافكر هواي
اشتغل والف حسبه بالي ندك الجرس
منووو