نساء من عالمي

الحلقه الخمسون

وحصنتك بااسم الله الواحد الاحد
فليحرسك الرب اينما تكون
ـــــــــــــــــــــــــــــــــــــــــــــــــــــــــــــــ
مساؤؤ مسك
الحلقه الاخيره من نساء من عالمي
اتمنى لكم قراءه ممتعه
التقي وياكم بروايه جديده
و ان شاء الله راح تحبوها كلش
في امان الله ♥
ـــــــــــــــــــــــــــــــــــــــــــــــــــــــــــــــ
- تأكدت اني مو بحلم
همس مره ثانيه
لبوه تعالي شبيج
كمت امشي على كيفي بين الخفت بين لا نوب ادور على الموبايل ماكو طار
مشيت داافتح الضوه يم الباب جرني من ايدي
شهكت خله ايده على حلكي حتى مااطلع صوت

اشششششش لتفززيهم بهذا الليل
فتح الضوه
وهدني
باوعتله هو
هو
بشحمه بلحمه واكف
بقيت واكفه ماصدرت مني اي ردة فعل حتى
حتى الكلام راح
اباوعله وهو صافن يباوعلي بعتب
عيوني صارت تحركني
فركتهن تبللت بالدموع بس مجاي ينزل

- شبيج لبوه هذا انه عبد الرحمن

- نفس سكوتي واريد احجي مااكدر
انداريت حتى مااباوعله احاول استوعب
لا ممنعسه مو اوهام مو حلم كمت اضرب على جنب راسي على دماغي حتى استوعب
شجابه بنص هذا الليل
شلون فتح الابواب وماحسيت
هيج فجأه باب الغرفه
خله ايده على جتفي ودارني لعنده

- تكلم بعتب:- كلولج متت مو

- عليك الله هذا مو حلم صح

-شمسوين بيج لعد
وهيج مداتستوعبين

- شهكه شهكت ومداكدر ابجي دااختنك

- اهدأهي لبوه انه اجيت بهذا الليل علمود الاطرق لان ضلمه وماينشاف شي

- باوعتله بقيت اتأمل ملامحه قربت ايدي بصعوبه اتلمس خده خايفه اتلمس واصحى ويطلع ماكو
بس تلمستها اي هو موجود
خليت ايدي الثانيه بسرعه هو
كمزت دااصرخ واصيح على عمتي خله ايده على حلكي يسكتني

ولج اششششش خليها نايمه لاتكعديها

- حضنته وبجيت وكمت اطلع صوت وهو يسكت بيه حتى ماتكعد عمتي سحبني للاستقبال دخلنه وسد الباب
شبيج يروحي انتي هيج متأذيه لان مااجيت

- اباوعله نوبه ابجي نوبه اسكت نوبه بودي اضربه على سوايته بيه ماعرف شسوي

- ليش ساكته

-- حتى انت تخليت عني وعفتني

- ماعفتج هاي كدامج شوفيني

- رحت ذبيت روحك بالموت

- والله خلصت روحي لجل عينج ماتنزللها دمعه
بوكتها انتي اكثر من جهالي خفت عليج وفكرت بيج وان بقيت سالم ف بفضل الله ولجل عينج بس

- تمنيت ميته ولا جابولي خبر موتك

- اسم الله عليج

- وين جنت كل هالمده هاي شهرين عبود شهرررين