Drowned To You

Chapter 5

"Wooohhh!!! Go baby!!!" sigaw ko. Tumitingin sakin ang ibang estudyanteng nandito pero wala na akong pakealam. Siguro nasa isip nila na ang oa ko dahil training lang naman to. E ano naman? supportive girlfriend bakit?

Nandito ako ngayon sa natatorium. Nung sinabi ni Gabriel na single si Steven ay dumeretso ako dito. Sakto naman dahil may training pala sila. Ako lang magisa ang pumunta dahil nagugutom daw si Macy, susunod nalang daw sya.

"Go Steven! Sunod ako naman sisirin mo!" sigaw ko ule. May narinig akong mga tumawa dahil sa sinabi ko. Okay lang yan di naman nila ako kilala.

Napatigil ako sa pagchicheer nang may tumayo sa harapan ko. Si Veena. Di ko sya pinansin at tinagilid ang ulo ko, di ko kase makita si Steven.

"Umalis ka kaya jan, diba?" sabi ko dito nang mapansing wala syang balak umalis. Di ko makita yung baby ko.

"Can you minimize your voice? Nangingibabaw boses kanina pa." Sabi nya habang nakataas ang kilay sakin.

Huminga ako ng malalim. "Ah sige bubulong nalang ako, para marinig ni Steven na chinicheer ko sya." Sarkastikong sabi ko dito at umirap.

"Hindi nya kailangan ng magchicheer sa kanya." Sabi nya, halatang nagpipigil. Ngumiti pa ito ng peke sa akin.

"Ewan ko sayo, umalis ka nga dito pwede? Papansin ka sakin? O baka naman kay Steven papansin ka?" Kompronta ko sa kanya. Nanlaki ang mata nya sa sinabi ko. Kita sa mga mata nya ang inis sakin pero di ako natatakot. Gosh sino basya?

"Excuse me? For your in----"

"Wow mas bumilis ka ng 0.7 seconds Steven!" Sabay kaming napatingin ni Veena sa sumigaw. Nakangiti ito ng malaki habang nakatingin kay Steven na nakangiti rin. Kita sa mata nito ang kasiyahan.  Nakatayo sila sa gilid ng pool at nagpupunas sa towel si Steven.

Tinulak ko sa gilid si Veena at lumapit kay Steven. Nang makalapit ako ay agad ko itong niyakap. Naramdaman kong nanigas ito at napasinghap.

"Congrats Steven! Ang galing mo!" Sabi ko pagkabitaw ko sa kanya. Nakatunganga parin ito at tila di maproseso ang nangyari. Magsasalita sana uli ako nang biglang sumingit si Veena.

"Congrats Steven." Nakangiting sabi nito. Nung tumingin ito sakin ay umirap sya. Aba't!

Nang tumingin ako uli kay Steven ay nakatingin ito sakin. Walang ekspresyon sa muka nito. Nahiya naman ako bigla. Dapat ba di ko ginawa yun? Nabigla lang naman ako. Nadala ng bugso ng damdamin.

Yumuko ako. "Sorry, nabigla lang hehe." sabi ko habang pinaglalaruan ang daliri ko. Nakakahiya ata, tangina mo talaga Phoebe.

"Una na ako Steven, keep it up! Makakapasok ka sa national team kung ipagpapatuloy mo yan." Rinig kong sabi nung coach nila. Nagpasalamat dito si Steven at umalis na.

Nakayuko pa rin ako. Di ko alam san ako titingin. Kinakabahan ako kasi walang ekspresyon yung muka nya kanina. Umalis nalang kaya ako na parang walang nangyari? Oo ganon nalang ang gagawin ko.

Tatalikod na sana ako para umalis pero biglang nagsalita si Veena. "Tara kain tayo? My treat, pacongrats ko na sayo." Sabi nito.

"Sure bihis la---"

"Di pwede!" pigil ko sa anomang sasabihin ni Steven. Napatingin silang dalawa sakin. Nakataas ang kilay sakin ni Veena samantalang  magkasalubong ang kilay ni Steven.