Behind the lust for a man
(ယောင်္ကျားတစ်ယောက်အပေါ်တပ်မက်ခြင်းရဲ့နောက်ကွယ်..)
အပိုင်း(၁၄)
ညဉ့်နက်လာလေ ပတ်ဝန်းကျင်၏အသံတွေသည် တိုးတိတ်လာလေလေဖြစ်သည်။ ထိုအထဲမှ ကောင်းကင်ယံကိုကြည့်ကာ သက်ပြင်းခဏခဏချနေကြသည့် လူသုံးယောက်သည် တမူထူးခြားနေလေသည်။
ဘာအကြောင်းများရှိလို့ပါလိမ့်..။
Aprilသည် Bellaကိုလှမ်းကြည့်လိုက်သည်။ Bellaသည်လည်း ခေါင်းညိမ့်ပြလေသည်။
" Baz ငါပြောစရာရှိတယ်..မင်းသိချင်ပါ့မလား မသိပေမယ့် ဒီနှစ်တော့ ငါပြောမှဖြစ်မယ် "
April၏ စကားပလ္လင်ခံမှုကို ဝိုင်သောက်မပျက်ဘဲကြည့်နေသော Baz..။ Baz၏မျက်နှာအမူအရာကို စူးစမ်းနေသော Bella..။
" ဒီကိစ္စ မင်းကိုဖုံးကွယ်ထားတာ (၂၈)နှစ်ရှိပြီ.."
Aprilလေးလေးပင်ပင်ပြောနေလေသည်။ ကိုယ့်အစ်မဖြစ်သူ၏ အချစ်ကြီးသလို အမျက်ကြီးရသည့်အကြောင်းကို တူဖြစ်သူနားလည်ပါမည်လား။ လွန်ခဲ့တဲ့(၂၈)နှစ်ကထဲက ဒီအကြောင်းအရာကိုBazအိမ်ထောင်ကျပြီးတော့မှ သူ့ရဲ့မွေးနေ့မှာ ပြောပြမယ်ဟူ၍ သူမတို့နှစ်ဦးဆုံးဖြတ်ခဲ့ကြသည်။ သူမတို့ ဆုံးဖြတ်ချက်သည် မှန်ပါ့မလား။
" မင်းMommyပိုးလုံးလေးရဲ့ အလောင်းကို ငါတို့မီးမသင်္ဂြိုလ်ထားဘူး..ဆေးရည်စိမ်ပြီး..."
Bazသည် လက်ကာပြလိုက်ပြီး လက်ထဲရှိဝိုင်ကို မော့လိုက်သည်။ သူသည် လေးဖင့်နေသော စကားတွေကိုမကြားချင်ပေ။
" Relax Ladies..ဒီကိစ္စတွေကို ကျွန်တော်မသိဘူးလို့ထင်ကြတာလား..နိုး နိုး..နံရံတိုင်းမှာ နားတွေရှိတယ်..ကျွန်တော်သိတာ (၁၈)နှစ်ကျော်ကျော်ပဲရှိသေးတယ်.."
" ဟင်..သားက သိနေခဲ့တာလား "
Maxiyo၏ဂိုဏ်းခေါင်းဆောင်သည် မျက်နှာငြိုးကျသွားလေသည်။ သူမသည်လည်း ဘာသားနဲ့ထုထားတာမို့လဲ.. သူမလည်း သူမသား၏အမုန်းကိုမခံနိုင်ပါ။
" ကျွန်တော်သိနေခဲ့တယ်..ဒါပေမဲ့ Momကမသိစေချင်တဲ့ကိစ္စကို ကျွန်တော်အတင်းမမေးချင်ဘူး..သိနေခဲ့ပေမဲ့ Momကိုကျွန်တော်နားလည်တယ်..ကျွန်တော်ဆိုရင်လည်း ဒီလိုလုပ်မိမယ်ထင်တယ် "
YOU ARE READING
Behind the lust for a man(Complete)
Actionခင်ဗျားအပေါ်တပ်မက်လွန်းလို့ ကျွန်တော့်အနားမှာဆွဲခေါ်ထားတာ Mr.Logan တပ်မက်လွန်းလို့ ခင်ဗျားကို အဆုံးအရှုံးမခံနိုင်ဘူး.. 1.2.22--26.4.22 ခင္ဗ်ားအေပၚတပ္မက္လြန္းလို႔ ကြၽန္ေတာ့္အနားမွာဆြဲေခၚထားတာ Mr.Logan တပ္မက္လြန္းလို႔ ခင္ဗ်ားကို အဆုံးအ႐ႈံးမခံႏိုင္ဘူ...
