Behind the lust for a man
(ယောင်္ကျားတစ်ယောက်အပေါ်တပ်မက်ခြင်းရဲ့နောက်ကွယ်..)
အပိုင်း(၂၈)
(°°...°°က အင်္ဂလိပ်လိုပြောတာကို ရည်ညွှန်းတာပါ။ "..."က ဂျာမာန်လိုပြောတာကိုရည်ညွှန်းတာဖြစ်ပြီး /.../က အခုနိုင်ငံရဲ့စကားပြောပါ)
Baz မြန်မာပြည်ကိုရောက်တာ (၁)နှစ်ကြာပြီးနောက်..
Baz ဝါသနာပါရာ ပန်းချီဆွဲခြင်း၊စာဖတ်ခြင်းအမှုကို ဇောက်ချပြီး လုပ်ကိုင်နေခဲ့သည်။ Kသည် နာမည်ကြီးပန်းချီဆရာမဖြစ်တာကြောင့် ပန်းချီဆွဲခြင်းကို သူမက ကူညီပေးသည်။ ရံဖန်ရံခါ သူမ၏ပြပွဲတချို့၌ ကြားညှပ်ကာ ထည့်ပေးတတ်ပါသေးသည်။
(၆)လလောက်အထိ Kတို့အိမ်မှာနေပြီး ကျန်(၆)လမှာမူ Kနှင့်နည်းတူ နယ်လှည့်ကာ လျှောက်သွားနေခဲ့သည်။ အန်တီယဉ်ကျေးသာသည်တော့ တရားစခန်းအမြဲဝင်နေတတ်သည်မို့ နှစ်ယောက်လုံး နောက်ကြောင်းအေးအေးလျှောက်သွားနိုင်ပါသည်။
ယခုBazတို့ရောက်နေသည့် နေရာသည်တောင်ပေါ်ဒေသလေးမှာဖြစ်သည်။ ဘေးချင်းကပ် ဘန်ဂလိုနှစ်လုံးမှာ Kနှင့် Bazနေသည်။ နေမပွင့်သေးသည့် အချိန်မှာ Bazတို့နှစ်ယောက် လမ်းလျှောက်နေကြပြီး ရောက်တတ်ရာရာပြောနေကြသည်။
" အိမ်ကိုလွမ်းလား Baz "
" အင်း နည်းနည်းပေါ့ "
" အိမ်ထက် ယောင်္ကျားကိုလွမ်းတာမလား "
ရေနွေးဘူးကိုကိုင်ကာ လမ်းလျှောက်နေသော ကျော့ရှင်းသာကို Bazတွေတွေလေးကြည့်မိသွားသည်။
" ဟုတ်တယ်ဆိုပါတော့။ ဒါနဲ့ နင်ရော အိမ်ထောင်မပြုသေးဘူးလား "
" အိမ်ထောင်ပြုဖို့က ရည်းစားရှိမှဖြစ်မှာသားရဲ့။ နယ်တကာလှည့်ပြီး ပန်းချီဆွဲနေတဲ့ငါ့ရဲ့ နှလုံးသားက နေရာစုံမှရှိနေတော့ ဘယ်တစ်ယောက်ကို လက်ထက်ရမလဲ ရွေးရခက်နေတာလေ ဟား ဟား "
ရယ်မောနေသည့် Kမှာလည်း နှလုံးသားရေးရာနှင့်ပတ်သက်၍ နာကျည်းစရာကိစ္စရပ်တချို့ရှိသေးသည်။ K အသက် (၂၃)လောက်က သိပ်ချစ်ပြီး သိပ်မြတ်နိုးရပါသည်ဆိုတဲ့ အမျိုးသားဟာ ရုတ်တရက်ကြီး တခြားတစ်ယောက်နဲ့ လက်ထက်သွားတယ်။ အဲ့အချိန်က Kပြိုလဲခဲ့ရတဲ့နေ့ရပ်များပေါ့။
YOU ARE READING
Behind the lust for a man(Complete)
Actionခင်ဗျားအပေါ်တပ်မက်လွန်းလို့ ကျွန်တော့်အနားမှာဆွဲခေါ်ထားတာ Mr.Logan တပ်မက်လွန်းလို့ ခင်ဗျားကို အဆုံးအရှုံးမခံနိုင်ဘူး.. 1.2.22--26.4.22 ခင္ဗ်ားအေပၚတပ္မက္လြန္းလို႔ ကြၽန္ေတာ့္အနားမွာဆြဲေခၚထားတာ Mr.Logan တပ္မက္လြန္းလို႔ ခင္ဗ်ားကို အဆုံးအ႐ႈံးမခံႏိုင္ဘူ...
